الله يسعد صباحك يالنداوي تعال=وأن كنت موجود قود السالفه قودها
جرتك في كل ديره جاوب أنت السؤال=كل الدول زرتها مريت بحدودها

موجود ياجعلكم ب/الطيب في كل حال=والسالفة بيننا ماينطفي عودها
على النقى جرتي يالذيب فوق الطوال=مير البلا شلةً تزحف على اخدودها

المشاركة الأصلية كتبت بواسطة شبل شيبان (المشاركة 1029986) ياسلام .. صحت السنتكم .. واصلوو متااابع

البقا بلا شقا يالنداوي

أبغاك موجود طول الوقت يابن الحلال=والناس نذكر محاسنها معا جودها
سمحان شال الحمول الجايره والثقال=والشله البايره ماعاش نمرودها

كلً على ماقفه ياقف ولابه جدال=واهل العهود الوثيقة تحفض اعهودها
يالي تقول الشموس الناس وسط الضلال=فتح عيونك قبل تاقع بمنقودها

هذا كلام العقل مافيه شك يقال=واهل الكرم جـودها يقلون ماجودها
خلك ياراع الوفاء والطيب وسيع بال=والناس معروف صاحيها ومقرودها

يالذيب انا بنشدك ونته من اي الرجال=يالي تسوق الرجل واتحث مجهودها
في كل صبحاً نشوفك بين روح وتعال=والسالفة طوّلت ماشيف مقصودها

يفتيك عني كثير الناس وقت النزال=والرجل في واجبي ماتتعب زنودها
ياللي سكنت اليمن وش عرفك بالشمال=لكن مدراس حنا نعرف هنودها

ابنشدك بين عرجاء والمسمى طلال=وش صار يوم المعارك ماتت...اجنودها..!!
يالي تعرف السوالف عدها من خلال=الصدق.. واحذر تغثرب صافي اعدودها

المعذره والله يالغالي

والتطويل سبته الاتصال

حنا أنتصرنا في هذا المعركه من خلال=صبر وشجاعه وحنكه نعرف ابنودها
هذا كـلام الحقيقه ماش شيء خيال=والنصر من فضل ربي منشي أرعودها