جابك الله عند قاضي حق والنية مطيه = قاضيٍ بالشرع يحكم فالحلال وفالحرامي
انت كبرت القضيه ليش كبرت القضية = عكس ماقلته مية بالميّه اجزم بالتمامي

كيف تبغانا نصلّي خلف مجهول الهويه = دين مااصلي لو انّه لابس ايزار وحِراامي
وابك انا لي ذوق أفرّق بين ذيّ وبين ذيّه = ماني بمجبور ,, لكن لك معزّه واحتراامي

من هدا الطايف يالين السيل فاقصاي الحوية = يسكن الشعر الحقيقي منبعه يروي الضوامي
وانت مدري عن نواياك الله اعلم بالخفية = نحسبك والله حسيبك خيّرٍ منته حرامي

ماعليكم زود والحسنه ترا تمحا الخطيه = ودّنا نرحمك ونريّحك يالسيف الحسامي
عمرها ماجات ضابط يعطي الجندي تحيّة ؟؟ = مار ابا ادق التحية لك وابرجع في كلامي..!!!

الدجيماء ياطويل العمر ماجاب الردية = يحترم خصمه لو انه مايلقيه اهتمامي
حتى لو انك مثل ياسر تراني ماعليه = مايضيع القول زال الكورة فرجلين سامي

المريض اللي تشكّى من عوارض داخليه = عندنا يلقى علاجه ,, والكسور من العظامي
احسن ختامٍ صلاة الله على النفس الرضية = الرسول الامي المبعوث رحمه للأناامي !!