سلام الله على الشاعر ابن عااضي بعد ماساد = زمانن فيه تزرع خير تحصد ظلم وارعونه
ما بين الحجز والداورد قصة شاعر(ن) كداد = ولاحصل في الثنتين لا خرج(ن) ولا مونه

هلا يامرحبا بك يابن مشيب والسيوف حداد = زمانن فيه لو زلّ الفتى راسه يقصونه
انا ابدعي وأباك اتدبّل الدعوه على الحسّاد = (( عسا يبلاهم بطاعون ربك مايداوونه ))

انا شديت طنب البيت وانته ثبت الاوتاد = وخل فيدك مرزبه تدق ابها ومسنونه
مشيت بدربك لحالك ولا صايد ولا منصاد = (( لكن الظن والله يعلم ان الناس معيونه ))

لك الله مايطيح ,, يزود مادام ان حيلك زاد = ترا حيلي شديد وعجزوا العالم يهدّونه
مشيت بدربي لحالي واخذت الما واخذت الزاد = وحاسي للعوارف زاد غير ان كان يبغونه

توكل والمسيره تبغا جيش وعسكر وامداد = وانا ماني بجااهل فيك والعربان ممنونه
والا ياللي تقول الزاد الك بين العرب ميراد = تعدتكم عرب بالزاد ماهي حيل مفتونه

على الله ,, هات علمك يالفهيم الشاعر النقاد = انا من صبح ادور علمك اللي شانت فنونه
انا فاهمك تقصد صاحبي " حاكم " بلد بغداد = لكنّا نطلب الله ينقذ الغرقاان فديونه

على الله جبت علمي وافهم اللي نقصده يا عناد = وانا من صبح ادور جابتن سهله ومضمونه
ما دامه حاكم البلده ورا ماتنتبه اله عااد = ترى الصاحب يسااعد صاحبه لو يطلب اعيونه

لقيت الك الجواب اللي تدور عنه يالنشاد = لو انك تهت في توصيل معلومات مدفونه
لك الله بيّنٍ نور المسيد ودربه المعتاد = لكن المشكلة فالمسلمين اللي يدلونه

يقولون الرجاال اللي جهل في حاجتن مافاد = وانا مثل الرجاال اقول نفس اللي يقولونه
ترى واجب على المسلم نصيحه لاخوه المنقاد = ورى ناسن لها بين العرب تشكيل ونمونه