خطيت لي مع طلعة الصبـح خطـه =والخطه امست بير عوجا غويطـه
واخذت لـي فـي تالـي الليـل غطـه=وصحيت وغيرت اتجـاه الخريطـه
اشـيـل مـيـزان الـروابــع واحـطــه=والله مــن بـحـر عـبـرنـا محـيـطـه
وانا اليا من انشق ثوبـي مـا قطـه=اجلس على مهلي لثوبـي واخيطـه
ليا صار من ربعك اوقيشر و نِطّـةـ=هزّ المحالـة ليـن يـفـرط شريـطـه
ما يطلع القرنـاس مـن عـش بطّـه=والجبو ما يحيي الضوامي شفيطه
تــراه مــا يـنـفـع عـسـاهـا تـلـطّـه=خيـال دجـل و مـثـل عـنـزٍ ربيـطـة

عديت في ضلع يسمى شمنحيـط=واخذت في عاليه بالرجل مشواط
كنى خلوج تزعج الصوت وتعيط=وافق ولدها بين الادباش مخباط
من ماجد اللي ما مشى بالخرابيط=ولا قيل له بين المجاليس خراط

,,

بيّض الله وجهك يوم جبت اسم راعيها يابو عساف لي حول السنة اغنّيها وانا مدري من هي له :d

تحياتي لك ياخييّ