مرحبا ترحيبتن تطرح من الخمسين ميه=والزياد ه لو زياد يشيلها تكسر متونه
الشطيطي يوم شط ولد بالعينين فيه=ماتقول الا طماط الخرج كله في عيونه

البقى لو كان مانبغى كثير ولا بليه = من بخيلٍ تنقصر هقوته ماتاصل ضنونه
لو نلد العين يمك ماحسبت الا ضحيه = مار عوّد واللعن اللي كلبوهم يلعنونه

يامعلق في الشداد الي على ظهر المطيه=لاتهقوى لك شدادٍ تنكسريمناك دونه
يرحمك ربي ولو مانت بفقيد اهل الحميه=انت صياح النهار الي عجاجه يذكرونه

ابك انا من روس قومٍ نارهم بالطيب حيه = لاحضرنا موقعك في اعراب جملتنا سكونه
قالو العربان من يحرص على فعل الخطيه = من بعد فعلته ماله عندنا غير المهونه

يالله انك تحفظه هذا الولد مافيه زيه=كل مانقرى عليه الغاشيه تُغشا جنونه
ان بغيت الصدق فالليله ترى الشرهه عليه=يوم الاعب لي غريرن دوب مانبتت سنونه

عنتر العبسي بلش في ثور لو له مقدريه = ويش درا الثور عن عنتر ليا حرّك قرونه
ماتصيب الشرهه اللي يمشي بعشرين نيه = والنهايه دمعتين وعزتيله من غبونه