علام الاصعر بعد مالبسوه البشت والتاج = راح يتباهى تقول انه ملك هالكون كلّه!!
سبحانه اللي كساك البشت وانت فساحل العاج = مدري عنه كيف جاك اكيد فالاوضاع خلّه!!

انا مع اهل الوفاء والطيب لي نضره ومنهاج=والطيّب اللي شداد الطيب والعز استحلّه
راعي العمل ينجز اعماله مايركنها فالادراج=اخذ شهادة شكر ,,, والمركز الاول وصلّه

تستاهله ياوسيع العرف وادع الله بالافراج = يكتب لك الجادل اللي دونها سيفك تسله !!!
ترا الدرر والجواهر دونها ظلمات وأمواج = لكن من يتبع المدلول لابدّه يدله !!!

وارد عراوي يدفه صاحبه ,, مع درب الادواج=والناس وصلت هدفها والعراوي في محلّه
على بحر جده التجار صارت تبني ابراج=والبدو تسكن بأجار ,, وكل عشره وسط فلّه

الكعبة اللي يجيها المسلمين افواج وافواج = مدري يبون الاجر ولا الطمع فيهم جبلّه !!!
على البحر واحدٍ مسكين واخر جاك محتاج = يشكون للعالم الاحوال مايشكون لله !!!