تعال ياسعود ابن برقا عسا ربي يخليك = من بعد مابانت اشروط وعلامات القيامة
من بعد كان الملوك اللي يحكمون المماليك = الحين صاروا من المملوك يرجون السلامه

لاترفع الصوت انا عندك قريب آصلك واجيك =والشاعر المحترم يفرض على الناس احترامه
تبا الصراحة بلشنا وابلشتنا بيضة الديك =والحر مهما حصل ماهو مثل فرخ الحمامه

اللي تذرّا به الليلة ترا ماهو مذريك = حاول تجي سد رجالٍ منزّه في مقامه
لاصرت تتعدّل الفايت ترا ماعاد يمديك = راحت ولاعاد يابن الناس تنفعك الندامه

اقول ياللي بليس العود من سمه يغذيك=ماعاد تقدر تمشيها بضحكة وابتسامه
فعل المسدس يضيع اليا بدى رمي البلاجيك=واللي حزامه قصيّر مانعاين في حزامه

انته تجرّا عليّه لجل منصبك وعوانيك = ماهي شجاعه تدسّم مثل حامين الجهامه
الله يسامح هذاك اللي على الحاكم مسميك = اخطا خطا مثل تشبيه المحنّك للفدامه

لاجيت آحليك يا هذا الدجيماء كيف أحليك =في يدك حلقة حديدية وفي وجهك علامه
انا سمي الملوك اللي تصّدق لك وتعطيك =يوم ان مثلك لاجاه الضيف ماكثّر طعامه

المشاركة الأصلية كتبت بواسطة سعود البرقاوي (المشاركة 1027465) نداوي حي الله شاعرنا وحبيبنا والقريب على قلوبنا

وانا ليا جيت اوصّف كلبوها بيّنه فيك = حنكة ورجّه وطيب اخلاق غطّتها الغشامه
ترا الخطا شين وانت تزيد غلطتك بتماديك = (( بادرتني بالخطا والحقتني تالي ملامه ))

لولا الحيا والسحى من ربعنا والله لا اوريك = مير الوعد لاتواجهنا على صحن الكرامه
ازريت لا اهضمك والاصحاب مثلي ماتدانيك = بالله شف لك طريقة غيرها يابو دلامه

وانا يالولا الغلا والقرب مافكرت اقاويك = لكن تجذبني ال دار الرياجيل الشهامه
القدر فالصدر يابن الناس ماظنيت يخفيك = واضحك عليكم يالين البيت اشارك في هدامه