يالله أنا طالبك يامجر الأيام=يالواحد المعبود يا ذا الجلالي
ما عاد الي طاقة على كثر الآلآم=إلطف بحالي وأنت عالم بحالي
اشقتني الأيام عامٍ باثر عام=شربت كاس المر ماذقت حالي
أي والله اني من عنى الوقت منظام=واقول يا ربي عليك إتكالي
مرحوم ياللي عقبه الطرف ما نام=والدمع من عيني على الخد سالي
مرحوم ياللي للصعيبات مقدام=يا ذيب ابن مشعل ياذيب العيالي
من غيبته غبت طموحات واحلام=طاحت سوا تقول جرفٍ هيالي
من يوم مالفّوه في قطعة الخام=كن الفرح مدفون تحت الرمالي
يالله ياللي للخفيات علام= يالواحد الوالي على كل والي
تغفر ذنوبه والخطاوي والآثام= وتِسكِنه فالفردوس بعد الرحالي
ما دايم آلا الله ,,والإنسان ما دام=لو طال عمره مقتفيه الزوالي
دنياٍ تغرك بالمناوي والاوهام=تدور بك دور الرشاء بالمحالي
يا ما خذت من خيرت أقراب وأعمام= ويا ما خذت غالي وغالي وغالي
يا سِعد من صلى ويا سِعد من صام=وادّى فروض الله بكل إكتمالي
متمسكن بالحق في دين الإسلام=يرجي عفو ربه عظيم الجلالي
والغافل اللي غافلٍ طول الايام=لا بدِّه تصحيه سود الليالي
وإختامها صلو على سِيد الانام=إعداد ما يبد القمر والهلالي

أخوكم :فهد بن علي العازمي

إبن عااااااااصي

المشاركة الأصلية كتبت بواسطة فهد العازمي العتيبي (المشاركة 1025559) الله يرحمه ويغفر له ويسكنه فسيح جناته ويصبر اهله ويلهمهم الصبر والسلون ونعزي ذوي جايل من العوازم وصح لسانك اخوي فهد واحسن الله عزاكـ

المشاركة الأصلية كتبت بواسطة سلطان طلحة (المشاركة 1025560) ابن عاصي صح لسانك والله يرحمة ويسكنة فسيح جناته والله لايهينك

المشاركة الأصلية كتبت بواسطة خلف الروقي (المشاركة 1025712) صلى الله على نبينا محمد وعلى آله وصحبه ومن تبعه بأحسان الى يوم الدين أبن عاصي صح ألسانك واعتلى شانك قصيدة معبرة ومؤثره اكتساها الحزن من اجل غلاء الفقيد والله يرحم الميت ويسكنه فسيح جناته ويلهم اهله وذويه الصبر والسلوان كفيت ووفيت يالغالي وهذا شكري وتقديري .. ,

المشاركة الأصلية كتبت بواسطة الحميدي العتيبي (المشاركة 1025716) الله يرحمه ويغفر له ويجعل الفردوس الاعلى منزله وجميع المسلمين ..وتعازينا لك يا ابن عاصي وصح لسانك

المشاركة الأصلية كتبت بواسطة سهيل (المشاركة 1025718) الله يرحمه ويسكنه فسيح جناته و عظم الله اجركم

المشاركة الأصلية كتبت بواسطة بدر الروقي 511 (المشاركة 1037348) صح السانك وتواني اطلع على القصيده

المشاركة الأصلية كتبت بواسطة كاش التميز (المشاركة 1037361) الله يرحمه ويرحم اموات المسلمين