الليله الليله تراها غير عن كل الليال=وانا اعتبرها من ليال العيد وليال السعد
ليلة فرح فيها الفرح غطى على وصف الخيا=والشكر للمعبود رب الكون حلال العقد
واكبر فرح شوفة وجيه الحاضرين من الرجال=اللي لفونا شرفونا واحضروا على الوعد
اللي لفونا من بعيد ومن جنوب ومن شمال=من اقراب ومن اصحاب والخويا ومن كل البدد
يا مرحبا واهلين والله يا كريمين السبال=مالاح براق الحيا واعداد ماحن الرعد
واعداد من صلى ومن لبى ومن لبس العقال=واعداد حبات الرمال وعد حبات البرد
ترحيبة الغالين بالغالين في كل الحوال=ممزوجة بالمسك واحلى شوي من ذوب الشهد
ترحيبة ترقى برونقها على شم الجبال=وتضفي بهيبتها وصطوتها على كل البلد
باسمي وبسم ابوي ابن صنهوت شيال الثقال=اكرر الترحيب بالحضار ووجيه السعد
ومشكور من جانا ولا هنتوا يا سمحين القبال=والشكر للمعبود رب الكون حلال العقد

المشاركة الأصلية كتبت بواسطة سطام الشجعاني (المشاركة 1025429) صح الله الساانك وبيض الله وجهك وألف ألف مليون مبروووك تحياتي لك

المشاركة الأصلية كتبت بواسطة راع الزلفي (المشاركة 1025432) باسمي وبسم ابوي ابن صنهوت شيال الثقال اكرر الترحيب بالحضار ووجيه السعد كفو كفو صح لسانك مدد بلا عدد والف مبروك الزواج رزقكم الله الذرية الصالحه

المشاركة الأصلية كتبت بواسطة ابو ضيف الله (المشاركة 1025457) سلمت وصح لسانك يا ابن صنهوت على القصيدة الجزلة والرائعة واشهد انك كفو انت ومن يرحب بالرجال في مناسبته بس اصدقني يوم تقول: واكبر فرح شوفة وجيه الحاضرين من الرجال فرحة شوفة وجيه الحاضرين غطت على شوفة ادمياً انت خابره ....؟ :)

المشاركة الأصلية كتبت بواسطة محمد مذكر المغيبي (المشاركة 1025570) ابن صنهوت صح لسانك وبارك الله لك ورزقك الذرية الصالحة والحقيقة انت خابرٍ الضرف اللي ماسمح لي باالحضور وانا والله اني مرتب لاكن على ماقال انت تريد وانا اريد والله يفعل مايريد تقبل تحيات اخوك

المشاركة الأصلية كتبت بواسطة أخو جوزا (المشاركة 1025636) صح لسانك يابن صنهوت والله يديم الافراح

المشاركة الأصلية كتبت بواسطة بعيـد المرامع (المشاركة 1025698) صح لسانك.. ونعم فيك..وبشايبك ..وبربعك.. والف مبروك .. وبالرفاه والبنين..

المشاركة الأصلية كتبت بواسطة مرزوق الجعيد (المشاركة 1025701) صح السانك وادام الله لك الافراح والف الف مبروك اللهم بارك لكما وبارك عليكما واجمع بينكما في خير تحيتي

المشاركة الأصلية كتبت بواسطة علي فلاح العضياني (المشاركة 1026330) صح لسانك قصيده جزله من شاعر جزل تشرّفت ببسماعها بصوتك فالحفل الله يوفقك يابو سعد

المشاركة الأصلية كتبت بواسطة معلا إبراهيم الأسعدي (المشاركة 1026585) واعداد من صلى ومن لبى ومن لبس العقال واعداد حبات الرمال وعد حبات البرد مبروووووووك وصح الساااااااااانك

المشاركة الأصلية كتبت بواسطة مسعود بن جحيش الغبيوي (المشاركة 1026725) صح لسانك ملايين

المشاركة الأصلية كتبت بواسطة الحميدي العتيبي (المشاركة 1026751) صح لسانك مليون يا ابن صنهوت وبالرفاه والبنين

المشاركة الأصلية كتبت بواسطة الحنتووشي (المشاركة 1027193) صـــ,.,.ــحــ,.,.ــ>>لســـــــــــــــــــإأآإأآنــــــكـ>> والف الف مبـــرؤؤؤؤؤؤكــ>>,.,.وعقبـــــــــــأأأأألـــــــــــ ي:)

المشاركة الأصلية كتبت بواسطة ماني بهايب (المشاركة 1028785) صح الله لسانك ابيات جميله ومعبره