سلام الله سلام يسنّع اللي ناقصه تسنيع = وانا من عزوةٍ وقت اللقا تعرف فعايلها
على الله يالهجوس اللي تميّز فالشرا والبيع = تدوّر لثمينه والعيون اللي تخايلها

المشاركة الأصلية كتبت بواسطة زياد الشطيطي (المشاركة 1024127) سلام الله سلام يسنّع اللي ناقصه تسنيع = وانا من عزوةٍ وقت اللقا تعرف فعايلها على الله يالهجوس اللي تميّز فالشرا والبيع = تدوّر لثمينه والعيون اللي تخايلها

ولا يامرحبا وخاف مع بعض الدروب تضيع =وباقي كلمة (ن) في خاطري مانيب قايلها
مدام انك تدور للثمينه واجب التشجيع = ولو اهل التحايل ماجهلنا في تحايلها

يدوم الك البقا وليا دخلك الخوف عان الريع = ياكم قبلك وفي شكلك عرب ضاعت قوايلها
لك الله من مصانعها تورّد مالفت تجميع = تفرّج في دواوين العرب تلقى مثايلها

انا ماخاف من قدم المطاري واعلن التوديع = ولا سجلي التاريخ مسرى مع مسايلها
تهرج يالشطيطي واترك التلفيق والترقيع = نعرف اللي يمين الدرب واللي مع شمايلها

ماسجلّك ولا سجّل لاراع الكذب والتطبيع = يسجّل لرجال اللي تموت ولا انت طايلها
اضنك ماقريت البيت يالاعشى على التوقيع = نجيب الك العلوم اللي تثبّتها دلايلها

مادامك يازياد معود(ن) نفسك على التشنيع = تبا تبلش بحمله يالمطاري منت شايلها
كلامك كنه الزبده تحت حر الشموس اتميع = تموت ام الكباير ماقوت تبرد غلا يلها

بعد هز الضروس وجسّها باقي لك التقليع = ليا منا قلعناها تعيّن وش بدايلها
كلامي واسمك وانته كلامك ( داخل التربيع ) = تحسبنك سوات الناس وتنافس قبايلها

انا ماعندي الا السيف ابو حدين والتقطيع = من اول ضربته يقطعك قطعه ماتخيلها
اثر راس المطاري ياجماعه صايبه تصديع = يبا يبخس حقوق الناس ويضيع فضايلها

صحت السنتكم


خوي السعد تغيب ولا تحضر الا بالابداع والشراسه


زياد وجودك له طعم خاص أتمنى الا تكثر الغياب

معك عقل وفكر لكن عقلك ناقصه توسيع = يدلك عن عقول الناس يالطيّب عمايلها
ترا الطالب عدم فهمه يبيّن لحظة التسميع = وانا ناسٍ سواتك ماني الليله بسايلها

تقلب كنك الحربا تروح ولاتبا ترجيع = وانا مالوم مثلك بعد ذوقته ملايلها
ياطالب راجع ادروسك ترى ماعندنا تلميع = دخلت بدار هيلا(ن) يفزع العالم تهايلها