فواز له ساعه يمجد في مطير اهل الفعول=ماهوب حب ولا غلا الا نفاق ومحلسه
كانه على شان الشعر جعل الشعر كله يزول=ولانشوفه باب تدخل معه كل مفلسه

انا مطيري وهذلي .. وانا سعودي لي قبول = والمحتدي لايعترض للداب الاسود يندسه !!
ياللي مسوّي لك حميّه .. روح .. ممنوع الدخول = خل الولد يدرس مع الطلاب جوف المدرسه !!

اللي يعود كل يوم اذنه على قرع الطبول=يطرب على اللي قدم مرياع الغنم دق جرسه
المدرسه لو هي فصل والا بعد عشرة فصول=قلنا هذاه الباب صك الباب واجلس واحرسه

مافيه فتنه جات فالتاريخ مثل ابن سلول = كلن يعرفه لامشا بين العرب بالدنفسه !!
انا اعتقد يابو مطر منته برجّال مهبول = حنّا ليا جبنا الحقايق ماتسمى غطرسه !!

لاتحسبن الناس منجومه خلا ولا خبول=معروف لو ترفع عقالك فوق ولا اتنكسه
حتى لو انك درت في شتى البقع عرضٍ وطول=بعض العرب في ديرته حصل شهادة هندسه

باقي كماله للعلوم (نقول ولا مانقول ) = قدّام تطعن حلق خصمك زطّه وغطّ نفسه !!
وان ماتمكّن فالتخصص .. يقدر يقدّم عدول = الفرق واضح بين راع الهندسه والهجرسه !!