انا اشوف زملانا داخل الساحه ولد وأخوه = ولن جينا لقول الجد لا حسنه ولا سيه !!
تقدم يالسعيدي وانتبه من موقفٍ مشبوه = ترى ميعادنا حمي الوطيس ونضجة الكيه !!

ترى ناصر على الساحه وجيه الخير ماشافوه = واظنّه مايعرف الرجل ولا يعرف وخيّه !!
اخذ مني وعد لاكويك لين تقول (ياطيبوووووووه) = هذا لاجيتني حسب الوعد ميّه على ميّه !!

محلٍ يدهله شرواك ماقف فيه لو باعوه = مدامك لانزلته يحمسونك حمس بريه !!
هذا فواز بن عايش كريم ورفقته حبوه = يحب الشمس قدام المغيب ويكره الفيه !!

انا مرّت علي فالوقت ناسٍ كاذبه ياهوه = ولكن مثل كذبك مالقيت ولا حصل زيّه !!
هذا ناصر خشن ظهره ليامن العرب لزموه = لكن ماهو نشيط ليا تولّوه الشقرديه !!

انا ماشفت مثلك فالزمن رجال يامعتوه = تساوم بالخساره وانت في سوق الشريطه !!
نعرف اللي سرى ليله بعد حدوه ثم ردوه = على ذاك الطريق اللي تعيش به الزكرتيه !!

انا احب عصمه واجد .. لكن انت آدمي مكروه ؟ = علومك كلها ماتنهضم ياناصر العيّه !!
ترى بعض العلوم تجرّ مابين العرب مشروه = ورجّال يجيب الصدق .. حي وصحبته حيّه !!

وأنا ما عرف غير أنته ولكنك رجل مسبوه = تمثل في هذيل أهل الصخا ياملوي النيه !!
أنا احدك على درب النقا وانته يسار اتووه= رداوة حض وألا فيك من صغرك طبيعيه

عصيم الله يسامحهم مشو ثم الطريق اخطوه = ولقيو فالطريق بضاعةٍ قبل امس مرميه !!
انا دربي على دربٍ طحاطيح الرجال اعطوه = وراع طحيّ يبقى في طحي ويلزم طحيّه !!

المشاركة الأصلية كتبت بواسطة فواز السعيدي (المشاركة 1018321) الله الله ////// ........... عصيم الله يسامحهم مشو ثم الطريق اخطوه = ولقيو فالطريق بضاعةٍ قبل امس مرميه !! انا دربي على دربٍ طحاطيح الرجال اعطوه = وراع طحيّ يبقى في طحي ويلزم طحيّه !! ناصر الجلااااه صح لسانك يابحر وتراني ما اكرهك امزح معك هههههههه تصبح على خير