مرحبا بالشاعر اللي يلفت الناس ابحضوره = في محلن لو نسيته يالسعيدي مانساني
الذهب من فضل ربك منّتها وقته ودوره = وانت قلي وش علامك تعرضه في سوق ثاني

البقا ياشاعرٍ ماودنا نجرح شعوره = .. يمكناسمه عيب و يسبب له انوع المعاني !!
ما نتهى دوره ولكن جات تجّار مغروره = يرخي لسانه ويرفع برطمه لين الاذاني !!

الاسامي يالسعيدي تنكشف عند الضروره = لاتطق اخشوم غيرك وانت رجلن ماتداني
سوق مايعطيك حقه لاتجيه ولا تزوره = ورث جدك لارخصته ما يسومه كل عاني

انتبه مايندرق غير ام عبد الله ونوره = وانته اظنّك رجل والرجّال للعالم يباني !!
نبحث الدعوه مع العقّال ونشوف المشوره = ان لقينا اللي يعرف العلم جعله مايهاني !!

ياعديل الروح روحي من سبايبك امحشوره=كل ماقرب مكاني ماتقرب من مكاني
كيف تطلب لك مشوره والرياجيل امخبوره = لو تقول الجدي ثابت قالوا اسهيل اليماني

المشاركة الأصلية كتبت بواسطة عز الرفيق (المشاركة 1018195) ههههههههههههههههههههههههههه فواز صادق صادق لزاز بانتظارك والصف صفك والله الله

المشاركة الأصلية كتبت بواسطة لزاز (المشاركة 1018202) هههههههههههه حنا فالانترنت وكشف الاسماء غير مستحب والحال من بعضه ياعز الرفيق والصف يزهابك

المشاركة الأصلية كتبت بواسطة العازمي (المشاركة 1018232) هههههه ابداع من لزاز وفواز ومتابع مايعتاز للشعر واهله

ودّنا ننصحك لاتحسب نصايحنا خطوره = استمع للنصح قبل تموت ويفوت الاواني !!
القمر يطلع على العربان بس الارض كوره = نص جاه النور والباقي يقول اناماجاني!!

المشاركة الأصلية كتبت بواسطة لزاز (المشاركة 1018261) الواجب انك تلتزم وياي يالسعيدي مايصير تترك الطاروق وتلعب طاروق ثاني عموما يعطيك العافيه وتصبح علي خير