|
^^ شاعر قبيلة عتيبه من الشباب في القلطه ^^
بسم الله الرحمن الرحيم
السلام عليكم ورحمة الله وبركاته في الحقيقه بعد مارأيت إن كثير من شعراء شباب القبائل وعتيبه على وجه خصوص معظمهم إشتهور عن طريق مسابقات شعريه أو المسابقات ساهمت بـ توهج نجوميتهم ماعدا أسماء أذكر منها الشاعر / سفر الدغيلبي الشاعر / حمدان العصيمي الشاعر / عبدالعزيز العازمي الشاعر / وصل العطياني جميع الأسماء المذكوره شعراء من عتيبه إستطاعوا أن يبروزن في عشر السنوات الأخيره و كونوا شعبيه و مشهود لهم بـ الجزاله لاكن شاعر قبيلة عتيبه من بينهم هو الشاعر / سفر الدغيلبي الأسباب 1_ إختياره في مهرجان المغتره الذي يعتبر ملتقى عمالقة شعراء القلطه وهو بـ رعاية صاحب السمو الملكي فيصل بن خالد بن عبدالعزيز 2_ إختياره كـ مقيّم في برنامج شاعر المعنى الذي ضم شعراء لـ القلطه من مختلف شبه الجزيره العربيه وهو أيضاً بـ رعاية صاحب السمو الملكي فيصل بن خالد بن عبدالعزيز 3_ هو الشاعر الأكثر شعبيه والدليل دعواته من مختلف القبائل وعلى مستوى دول الخليج لـ ذلك أعتبره شاعر قبيلة عتيبه من الشباب مع العلم إن كل شاعر يعتبر شاعر قبيلته في كل محفل يحضره ،،، أخوكم / عبدالمجيد النفيعي |
جميعهم شعار كبار
بس سفر تفوق علهم في(التسويق) التنسيق ولعل الدور الكبير اللذي يقوم به القصير هو من ساعد الشاعر سفر على الطلوع |
سفر الدغيلبي .. يعد علم من اعلام الشعر
خصوصا بعد ما فرض نفسه بقوة شعره وجزالته في ميادين المحاوره غصب عن الجميع ,., مع التحيه لكــــ |
كل شعراء عتيبه هم شعراء لعتيبه
ولكن هنالك شاعر قادم واجزم بأنه سوف يكون متواجد في جميع المحافل وعلى وأولها المغتره انه شاعر وسهم العضيان علي فلاح |
لاتنسى الشاعر سلطان المنصوري فهو يمشي بخطوات واثقة للقمة
وبخصوص سفر خرج من دائرة الانتظار للوصول للقمة واصبح علم من اعلام الشعر |
ابن _عاصي
صدقت سفر من أدلة نجاحه تواجده في منابر لـ المحاوره لا يصلها الا نقوه من ساحة القلطه ومكتب القصيّر هو أول إعلام قوي لـ شعر المحاوره جميله على المحاوره كلها وليس على سفر فقط ،، محمد العتيبي وأنت أيضاً موهبتك جزله في الشعر أخوي محمد ،، ولد عمهوج مافيه شك ذكرت أنا هـ الكلام في موضوعي لاكن لاقيل وين شاعر عتيبه من بين الشباب أقول من وجة نظري سفر الدغيلبي أما علي فلاح ،، إسموحلي أن ألقبه ،، عمهوج القلطه بـ كونه عضياني :) ،، ابوتيجان وشلون أنساه وهو من شرفنا في برنامج شاعر المعنى وكان قد التحدي وهو الان يعتبر خليفة أشهر شاعر محاوره على مستوى قبيلة عتيبه ،، لاكن هو شارك في مسابقه وإقرا موضوعي زين :) |
سـلـطـان بن صـاهـد الجـلاوي
اقوى ظهور على مستوى شعار عتيبه الشباب ولايهون الشاعر البعير سفرر وباقي شعار عتيبه فيهم الخير ونماريبهم لكن الشاعر سلطان الجلاوي يغرد خارج السررب الله يطول بعمره |
يعطيك العافية
|
سلطان الجلاوي يغرد خارج السرب
شاعر وشخصيته قويه فالملعبه |
من خلال متابعة لاكثر من 25 سنة وتجربه نقدية ومجالسة جميع شعرا عتيبه العمالقة وشعار القبايل الاخرى يرى 99% من الاعلاميين والنقاد والشعراء والجمهور [size=5]سفرالدغيلبي هو شاعر عتيبه الآن بالتشارك مع حبيب .....[/size]..... بعد ظروف مستور ورشيد وخروج ملفي من دايرة المنافسة.
اما شعراء عتيبه الباقين ففيهم الخير والبركة لكن نظلم سفر في حال مقارنته بأي منهم. سفرالدغيلبي منذ 5سنوات يقال له شاعر كبير وليس شاعر شاب. |
كل شعار اللي ذكرتهم كفو
لكن عبدالعزيز يمتاز عن غيره في وجهه نظري سرعة البديهه وقوه الابيات والصوت والثقل في الملعبه وند قوي للشعار محاورته مع القرقاح تكفي لمن يريد الزياده |
كلهم ونعـم ، ويسدون اللزوم
لكن سفر ، سفر مثل ماقلت لاهنت ياعبدالمجيد . |
سفر الدغيلبي
ولا غير هامه شعريّه ستمحى وجود اكثر الشعراء قريبا |
سلطان الجلاوي
شاعر شباب عتيبه ... |
عبدالعزيز العازمي شاعر شباب عتيبة بلا منازع
وهذا لا يقلل من شأن او نجومية اي شاعر من شعراء عتيبة الشباب كلهم فيهم الخير والبركة والكفاءة الشعرية ويحظون بنجومية عالية شاكر لك .. , |
بسم الله الرحمن الرحيم
أشكر جميع من مر على الموضوع بـ ما إن كثير من الأخوه يتفقون بـ وجهات النظر راح أرد على كل وجهة نظر من خلال المشاركات وهي ثلاث نقاط ،، * أنا أخترت هؤلا الخمسه بـ كونهم برزو بدون أن يشاركون في المسابقات والشاعر سلطان الجلاوي نعم لو ماشارك في برنامج قلطة الوطن كان عديته مع القائمه المذكوره لأنه بارز من قبل البرنامج لاكن خلاص شارك والبرنامج أضاف له جماهريه من دول الخليج و هو بـ نفسه قال هذا الكلام في منتداه أما الشاعر سفر الدغيلبي حصل على جماهيريه خليجيه بدون ان يشارك في مسابقات وكلاهما عينين بـ رأس واحد * إختياري لـ الشاعر سفر الدغيلبي بـ أنه شاعر قبيلة عتيبه من الشباب كان من أبرز أسبابه تمثيل القبيله بـ منابر لايتواجد فيها الا نقوه من الشعراء رغم إنه شاب ولا يمنع أن يكون شاب وشاعر كبير والكبير الله سبحانه وتعالى * شاعر شباب قبيلة عتيبه هذا حسب ماأعتقد يليق له موضوع لحال وحسب وجهة نظري إنهم لايخرج بين عدة شعراء من ضمنهم سهم عتيبه ورمح عتيبه ومستقبل عتيبه لاكن شاعر قبيلة عتيبه من الشباب هو سفر الدغيلبي ،، وسلامتكم :) |
سفر الدغيلبي
سلطان المنصوري فلاح المورقي هؤلاء هم مستقبل القلطه وارهن على ذلك ان شاء الله تحيتي |
شاعر قبيلة عتيبه الاول من الشباب
فلاح المورقي ثم فلاح المورقي ثم ضع من تشاء |
الشعراء المذكورين مثل ،، سلطان الجلاوي ،، سلطان المنصوري << من أفضل شعرءا شباب عتيبه لاكن ميزة القائمه المذكور بـ أن بروزهم بدون أن يشاركون في المسابقات الشعريه
،، الله يعطيكم العافيه على المرور مشكورين |
ونعم بشعرااء الهيلا جميعاً ,, يشرفون الله لايضرهم كلهم ,,
لكن ..!!! تسمية شاعر عتيبة خطأ ,, ويسبب اختلافات لاتحمد عقبااها .. أما افضل شاعر في الشباب فأنا اجزم اجزام تام ,, انه سفر ,, وهذا لايختلف عليه اثنين من (( متذوقي الشعر )) ,, وهذا لاينقص من شاعرية عبدالعزيز ,, ووصل ,, وفلاح ,, كلهم فيهم الخير والبركة ,, جزالة ومعنى ,, وقست ذلك على التجديد في اللفظ والمعنى والاسلوب ,, هذا ماأراه ولكلٍ ذوقه وحريته في ابدااء رأيه ..!!! |
سفر شاعر ويعتبر من فطاحت الشعار
وفيه مثله مثل حمدان و سلطان المنصوري ولاهنت على النقل |
ماعلى عتيبة خوف
لاغاب نجم حل نجم بداله |
سفر ما يعد من الشعراء الشباب بل هو خامس الخمسه
الشعراء الشباب أمثال حمدان عبدالعزيز وصل الجلاوي فلاح حزام وغيرهم لكن من وجهة نظري أن شاعر عتيبه لفئة الشباب هو سلطان الجلاوي بدون قصور فالباقين لأنه جزالة في الشعر وشرس اذا خصمه اخطا الدرب وهو معروف قبل المسابقة واجبر الاعلام على متابعته منذ بزوغ نجمه شكرا لصاحب الموضوع |
يا أخواني سفر الدغيلبي سنه سن شاب وانتم نظراً لـ جودة شعره مثل كِبار الشعراء صنفتوه بـ أنه غير شاب وهذا أيضاً يدللي زياده إن سفر شاعر عتيبه من الشباب
شاعر عتيبه من الشباب ماهو شاعر شباب عتيبه هو شاعر عتيبه كافه لاكن من جيل الشباب وشاعر قبيلة عتيبه على مستوى الأجيال الأجدر به شعراء تعرفونهم ،، ثانياَ أرجو لا أحد يذكر لي ـأسم شاعر شارك في مسابقه موضوعي وااااااااااضح وسلطان الجلاوي ياشبل نفس الكلام اللي قلته ذكرته في أحد مشاراكاتي بـ هالموضوع لاكن المسابقه شاركت أيضاً أضات له من ناحية الشهره ،، أخوي الدجيماء ويالجميع أنا من اهم الاسباب اللي جعلت لي وجهة نظر بـ أن سفر شاعر عتيبه من الشباب لأنه مثلها في منابر لاتأخذ الا نقوه من الشعراء مثل المغتره ومن شباب عتيبه المشاركين بـ الغتره خليفة مطلق لاكن سلطان المنصوري سبب تواجده في المغتره حصوله على أقوى نسبة درجة تحكيم في مسابقة شاعر المعنى وسفر يفرق عنه إنه شارك بـ المغتره بدون أن يشارك في المسابقه وضحت الفكره :) ولا أنسى أشكر الجميع على المرور مشكورين |
تدري ان سفر يلعب من عام 1418 هـ وينه وين الشباب اكبر من سن الشباب
|
خابر وشايف له محاوره في شريط فيديو وهو واضح إن تو ماطلع له شنب بعد
لاكن بروزه كان في العشر السنوات الأخيره وفي موضوعي نفسه ذكرت أنا ( إستطاعوا أن يبروزن في عشر السنوات الأخيره ) لاكن سفر لاحد الان سنه سن شاب ياخوي خالي مدرس الان وشاب عمره تقريباً ثلاثين ويمكن عليها سنه أو سنتين وعلى كلامه إنه كان يشوف سفر في الجامعه أيام ماكانوا يدرسون فيها أتوقع سفر عمره خمس وثلاثين وهو أتوقع سنين الشاعر تركي الميزاني وتركي كان يلعب قبل عام الالفين لاكن بروزه في عا الفين ويعد شاعر شاب لانه لاحد الان سنه سن شاب |
توضيح بسيط ,,
سفر الدغيلبي ,, من مواليد سنة (( 1400 هـ )) ,, يعني الان عمره (( 31 سنه )) تقريباً ,, والله يطول عمره اللي يشوفه يقول ابو 40 سنه ,, الله يحفظه ,, شاعر رغم صغر سنه الا انه يقارع الكبار الله لايضره ,, وللمعلومية تركي الفين (( اصغر منه سناً )) & (( أقدم منه بـ سنه واحده )) ..!!! |
اقتباس:
سفر صغير سن ويعد من الشباب مواليد 1401 |
مشكورين على التوضيح أخواني الدجيما ومحمد بن روق
وانا أيضاً كنت متوقع إنه مايتعدا الخمس والثلاثين |
فهد الشيباني شفت له محاورة قبل يومين مع القرقاح في احدى القنوات صراحه كان مبدع وكلها سنتين بالكثير وتشوفونه ان شاء الله مع العمالقة |
لماذا منتدياتكم انتقائية للغاية , هل هناك مانع من طرح رأيي في هذا الموضوع !!! مثلما يطرح الجميع ارائهم حول جميع الشعراء من القبائل الاخرى .
|
السلام عليكم
أنا لست عتيبي لكن ياعتيبه كانكم تبون العلم الي يجمد على الشارب سفر شاعر عتيبه بعد حبيب وملفي ورشيد ومستور بندق عتيبه مع الشاعر سفر ** ** نادور سفر وازهموه ببندفه وللمعلومية هو طلع على يـد بن شايق حكحكه ابوشنب لين طلعه صـدق وبان شعره هو وتركي 2000 وطلعوا على مستوى النجوم وبالتوفيق للجميع إخوكم / محمد العبيدي |
ياالعبيدي الموضوع ماهو تمجيد لابن شايق
والصراحه لاطلعه لابن شايق ولاغيره طلعه شعره الجزل |
اخالفكم الرأي جملة وتفصيلاً .
|
ابن المحايا
إذا كان المقصود الشاعر فهد قطنان إن شالله أتمنى له كل توفيق وإن شالله يحقق جماهيريه أكبر وتكفيه شهادة الزلامي العبيدي بروز الشاعر سفر كماهو معروف عنه إنطلق من الحجاز وبلاشك سفر في أول شبابه كانت له محاورات لها شعبيه مع بن شايق وكان خصم قوي له لاكن بروز سفر كـ نجم كان في العشر السنوات الأخيره ومن منطقة الحجاز شبل مرجحين الموازين و عواد ناجم أشكر إهتمامكم على الموضوع |
سلمولي والله على سفر
|
عكاش
نشكر مرورك طال عمرك |
محاروه جرت بين محمد بن ثايب الشهراني وفهد العازمي احببت ان انقلها لكم ولكن اعتذر ان وجد بها نقص لان هذا ما استطعت توصيله لكم ومن اراد الاطلاع على هذه المحاوره وغيرها من المحاورات بين بن ثايب ومرزوق المقاطي وفهد العازمي فسيجدها في تغطية حفل زواج / سفر الصوع عبر القوقل ولكم التحيه
فهد العازمي سلام رديه نبديها على حفل شهران *** واللي حضر من كل صوب ودار رفرف ياعلم لاتضمن الدنيا ترى ماعلى الدنيا ضمان*** مسافرن ماتضمن الدنيا رفرف يا علم محمد بن ثايب يامرحبا يامسهلا باصحابنا ذاك الزمان*** والضيف له ضيفه وله مقدار رفرف ياعلم مايضمن الرجال نفسه من مكان اليا مكان *** بس البحر يدري من البحار رفرف ياعلم خل السوالف يامحمد قطف ورد وزعفران*** بالرقم جود شفرة الاسرار رفرف ياعلم انته حفظت اللي عرفته صم من سحر البيان*** لكن تاخذ من السحار رفرف ياعلم بن ثايب حرصتني وانا الحريص ابن الحريص المكلمان*** قل لااله الا الله الستار رفرف ياعلم الظاهر انك يا فهد بياع موز وبرتكان *** غير اضبط الاسعار والمعيار رفرف ياعلم العازمي بديت مع ريع الشجيع ورحت مع باب الجبان *** العام في مفتاحة الشعار رفرف ياعلم مايخزن القلب الكبير يبان في راس اللسان *** لاتعتذر مانقبل الاعذار رفرف ياعلم بن ثايب العام نوباتك عشر واليوم نوباتك ثمان *** انا اللي احرج على الشعار رفرف ياعلم الظاهر انك راس ضب يابس مافيه اذان*** إلعب مع ابن سويحل المقطار رفرف ياعلم العازمي يوم اقتسمتوا قسمة الاخوان ماصرتوا خوان *** طارت بكم ماقادها طيار رفرف ياعلم انته وابن عمك تحبون الخطر ولا الامان***الجار ماينقص حقوق الجار رفرف ياعلم بن ثايب خل القسايم يافهد بين الرويضه وحلبان *** ميعادكم في مركز الدوار رفرف ياعلم الظاهر انكم ياعوازم ماتصومون رمضان *** ياحجة الفنجار والتجار رفرف ياعلم العازمي لو اني ابنشدك وافول إلك كم بيض السمان*** ما انته مجاوبني بتقول اكثار رفرف ياعلم حنا الرجال اهل السنان المعتبر واهل العنان*** مير انت ودك تلفت الانظار رفرف ياعلم بن ثايب ماني بعده مثل عدك من مكان اليا مكان*** ادخل على الله من لهوب النار رفرف ياعلم لو.... ....والله ياعتيبه ماعقدتوا ذا القران *** استولت القمرا على القما رفرف ياعلم العازمي تعدها رمحة جمل واعدها طمرة حصان*** لاتعكس المدخال والمظهار رفرف ياعلم علوم تشرح للعرب وعلوم تبغى ترجمان*** وانته تتابع نشرة الاخبار رفرف ياعلم بن ثايب انا ادري انك تعتبر في المنطقه كوفي عنان*** لكن حظر مرزوق ياحظار رفرف ياعلم ما انت ضيف عندنا شلنا عليك الخيزران *** العلوم صغار واحنا كبار رفرف ياعلم |
والنعم في عتيبه وشعراءها .. لكن وبصراحه وبرأي المحايد .. سفر هو افضل الشعراء الشباب ليس على مستوى قبيلة عتيبه بل على مستوى القبائل ... وفي البقيه الخير والبركه
ولكم مني التحيه |
سفر الدغيلبي هو الأقوى
يقول صياف رحمه الله : هذا على مستوى قبيلة عتيبه أما على مستوى القبائل أنا أشوف بجانب سفر حمود السمي |
| الساعة الآن »01:57 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd