الا يالمترجم ترجم احروف اللغاز=وكلاً يورد ف\الملاقا سهامه
يصيب البعير المرتدم علة ..انحاز=ولا نكشفه يالين يجعف سنامه

المشاركة الأصلية كتبت بواسطة راعي المكس (المشاركة 1016206) صح السانك بنتظار الطارف

المشاركة الأصلية كتبت بواسطة \\عابر سبيل\\ (المشاركة 1016233) صح السانك متابع

لونّ الكلام بهرج صفوى و شيراز=عطيناك حله قبل ريع الندامه
الا يا نداوي حط للرِجل معكاز=يجوز انّ بعد ايّام تلقى السلامه

لقينا العراقي بين بصرى والاهواز=على كل وجهه مايميز كلامه
ترى كتفي الايمن مع الشيخ معناز=ولو نرفعه يومين ..يسقط مقامه..!!

ما دام القضيه بين فايز و فوّاز=مساويك عود الراك تكفي بشامه
نشوف الحقيقه كلها عبر تلفاز=قناته لها بسم الحقيقه علامه

تراها تعدت واشملت ناساً اعزاز=وكل البشر قالت هذا وش علامه
ليا بثت الاخبار ماعاد يعتاز=وحكم الشريعه مانخالف نضامه

المشاركة الأصلية كتبت بواسطة الدجيماء (المشاركة 1016274) الله الله .. نداوي + الشهرااني .. اكيد غير .. ويستوجب المتابعه .. صحت الالسن والقلوب .. وبيض الله وجيهكم .. متااابع للفااائدة ..!!!

ابو نيّتين اليوم خسران ما فاز=حلاله يشابه يا نداوي حرامه
مسار القضيه يشرحه بيت بايجاز=يطيح الصقر من شان عين الحمامه

ابو نيتين اضرم على نارها قاز=وتارك عمود الدين يحرم طعامه
مسار القضية مايطولون الانجاز=ليا رفعت الاعلام وسط الجهامه

المشاركة الأصلية كتبت بواسطة ابن سرحان الثبيتي (المشاركة 1016297) نداوي \ الشهراني بيض الله وجيهكم " متابعين لكم "

ترى الحر و الشيهان تفرق عن الباز=على حرب راع الحرب و الّا سلامه
عسى الوضع يرجع مثل ما كان ممتاز=و كلٍ يحصّل في زمانه مرامه