ياسلامي سلام سكته من حديده=كل سايق قطار يسوق فوقه قطاره
يوم الاصعر طلبني في رساله جديده=قلت مافيه داعي ياعرب للكباره

مرحبا يامسلّم والمسافه بعيده=ومش درب الوفاء لا تختلف عن مساره
لاتحسف ,, نصيحه جتك فرصه سعيده=يوم يرسلّك او يطلبك شيخ الاماره

البقاء واللقاء يبغى عقول(ن) رشيده=تعتبر بالرموز وتعتمد بالاشاره
الاماره لها ختم وشروط(ن) عديده=لو نقص شرطها حطوك عمده لحاره

انت مامعك غير اصحاب الارياء السديده=كل راي سديد يجيك مافيه غاره
كلها عندنا ,, والعالم المستفيده= من نختّم لها بالختم فالاستماره

لو بيت القصيده مثل قدر العصيده=كل جايع على قدره شعم ضو ناره
كانها بالسوالف والعلوم الفريده=ويش خليت يالاصعر لمتعب مهاره

المعاني تراها في بيوت القصيده=والعمى مايشوف بليله ولا نهاره
بيّن التاجر اللي مايغلق رصيده=وانت تاجر ,,ولا تملك سجل التجاره

من يريدك تغر العلم يعطيك حيده=لين يقرصك في يمناك داب الخباره
بالعباريد اصيب النمر والذيب اصيده=مايتعبني الا صيد روس الوباره

كان تفهمني ,, ابا اعطيك جمله مفيده=اكرم ايميني او لا احطها فالجحاره
ودي اعلّم اصحاب العقول البليده=الدنكتر بجنزيره يفت الحجاره