ياسلام الله عليكم مساء ولا صباح = سنة ٍ من عند ربي علينا واجبه
الذيابه فالجبل والمواشي فالمراح = والحوال اليوم من بعضها متقاربه

مرحبا ياللي تغني بمنطوقٍ مباح= والعرب في امان وأم الكباير غايبه
خايف انك من مناديب تجار السلاح=ودك تشوف الحى في ادمي الرايبه

البقى للي في وجه علامات الصلاح = الوفا في جابته والدسم في شاربه
لاتخاف العلم مافيه ضرب ولا صياح = وانت صاطي والعرب من فعولك هايبه

سرها مسرى الجمل ونهج الدرب البراح= لا تعلمني بطبع النفوس التايبه
لو نخاف من العرب ماتقلدنا الوشاح= يوم نص الصحابنا مايسد الصايبه

طير ياطير السعد دام لك ريش وجناح = النفوس الطيبه ماتحب الخايبه
لاتحسبٌ ان الهديه من اسباب النجاح = اكثر الطلاب لو نجحوها راسبه

وين رحنا ياجماعه وفارس وين راح= فارس العتبان راعي لزوم ونايبه
خاوني وعطيك علم على صح وصحاح= لا تلفت للهمل والشياه السايبه

فارس العتبان مثل الدوا فوق الجراح = وانت يالصاطي جروحك دواها جايبه
مانبا منكم مشوره ولا نبغا اقتراح = المعارك ماتبا غير ناس محاربه

الدوا لا تخلطونه مع السم الذحاح=تصبح الاوضاع والصيدليه خاربه
كان ماتحتاج فزعه لا تزعج باصياح=مار تكفى لاتزوج فتاةٍ عايبه

الدوا فيه الشفا للمصاخين الطياح = مار مالله جايب ٍ علم ماهو كاتبه
ابشر انا مانقصر لنا جهد وكفاح = يعلم الله لو تجي ماتروٌح عازبه