يالله ياللي عنك مايختفي حال = علام مايخفاء وما يعلنونه
والغيب عندالله وتقدير الاجال = والناس علم الغيب مايعلمونه
ياحي ياقيوم يارب الاجيال = جيل ن يروح وجيل يستقبلونه
احسن عزانا كلنا في ابو حوال = بالامس غادرنا وقفت ظعونه
يالله عساله بين الابرار منزال = في منزل الرضوان ويبشرونه
في منزلن دايم ولا فيه ترحال = ضلن ضليل ن مايلاتن غصونه
هابس بعلم الطيب تضربه امثال = ايمن ووافي والعرب يمدحونه
حقه نعم مافيه تشكيك واجدال = واهل اللوازم بالنعم يذكرونه
في واجبة ياقف مواقيف الابطال = يحرم على الرديان ماياصلونه
وان صارت الدعوة خصومات واشكال = وحبل التحدي من عصر يفتلونه
يضدهم ويحدهم اشهب اللال = وحبل الرجاء بيدينهم يقطعونه
ايمن وله مع كل الابواب مدخال = يقلط على الحكام ويقدرونه
وياخذ مطاليبه بتقدير واجلال = ومن حشمته ما صكو الباب دونه
عزالله انه وافي الباع رجال = يازن رجالن كثر مايازنونه
هذا كلامن مختصر يشفي البال = من غيض حيثن القلوب محزونه
من شاعرن يازن كلامه لياقال = واهل العقول الراجحة يفهمونه
وصلو عدد ماهجل المزن همال = هجال وسمين تراكم مزونه
على النبي والصحب الاخيار والال = واللي على هدي النبي يتبعونه

المشاركة الأصلية كتبت بواسطة عبدالله الفرهود (المشاركة 1012416) ياحـي ياقيـوم يــارب الاجـيـال جيـل ن يـروح وجيـل يستقبلونـه احسن عزانا كلنـا فـي ابـو حـوال بالامـس غادرنـا وقفـت ظعـونـه يالله عسالـه بيـن الابـرار منـزال فـي منـزل الرضـوان ويبشرونـه آمين يا رب العالمين مرثية رائعة يا محمد و في شيخ يستاهل و فقيده الله يرحمه و يسكنه فسيح جناته و يلهم أهله الصبر و السلوان بيض الله وجهك و صح لسانك وفقك الله

المشاركة الأصلية كتبت بواسطة أبن عتقان المغيري (المشاركة 1012799) الله يرحم أبو علي الشيخ هابس بن حوال بن عميره رحمه واسعه وأسكنه من فسيح جناته وأن يلهم أهله وذويه الصبر والسلوان محمد بن مويسان صح لسانك قصيدة جزلة ولا هي غريبة عليك الجزالة يكفي أنك أبن الشاعر الكبير مويسان بن وجب بن صليميك المغيري الله يرحمه