قام الرعد يرعد و قام البرق يبرق فالسحاب=فوق اليمانيّه و انا من خلقتي ما جيتها
دوك السوال اللي طرح نفسه و يبغا له جواب=دار الحيا هل توزم الشدّه ليا شدّيتها

لاترسل عسوسك ولاتتعب وتسري بالركاب = لجل الرعود اللي على اطراف الديار اوحيتها !!
انا بري من الجمال اللي تلوّت فالشعاب = بكره لاجا وحده من الثنتين ماعدّيتها !!

المشكله ماهيب فالعنوان و غلاف الكتاب=المشكله في عينك اليمنى ليا صرّيتها
اللي يخاف الله يعفو عنه في يوم الحساب=ودّ الامانه بيتها تراك تعرف بيتها !!!!

يابو فلاح اسعار الاسهم تغري اهل الاكتتاب = لكن بعض الشركات الله يخرب بيتها !!
ماني وكيل آآآدم على ذريته يابو الشباب = كلّن على ممشاه وان جات ابركه ياليتها !!

هدهد سبأ بين النبي و أهل اليمن ودّا و جاب=أخبار و سليمان قال إنّي ما قطّ أوحيتها !!!
نحسب عليك و لا نعدّيك التشرّه و العتاب=انته سفير العزوه اللي صيتكم من صيتها !!!!

انكان لاطرف طارفه تنقاد .. ماهاذي صواب = عقلك معك .. والنار عان النار ياكبريتها !!
لو واحد من اهل المحاني راح مع درب الخراب = هاذي سواته ياعلي .. ماقول لك سويتها !!

المشاركة الأصلية كتبت بواسطة فواز السعيدي (المشاركة 1011022) العود هذا قروشه هههههههههههه يابو فهد ترانا بننحرف لك

انته نهار العيد لابس ثوب من ذيك الثياب=يوم إنّها ما هي نظيفه ليش ما خلّيتها ؟
أحسبك يا بو زيد واقف جنب ابن غانم ذياب=و أثرك على شانه سيوفك كلّها حدّيتها !!!!

ازعجني الجوال والجوال رقمه مايهاب = مار انتظر وانته وانا والقوم في توقيتها !!
الروقي اللي قصته تذكر بصفحات الكتاب = ليش انت ما مديت له يمناك يوم اخفيتها !!