بأغلى نبا الترحيب أكرر و أعيد=يالطرقي اللي معه تاشيرته
سيف الله المسلول دايم حديد=و العود تقسم ورثه ذخيرته

كبّر سعيد بمكرفون المسيد= و أوحت جميع الناس تكبيرته
من باع له مشلح على أهل الصعيد=ما ثمّنوه بربع تسعيرته

دام الثقه بالنفس عنده رصيد =باب الشكوك إيهون تسكيرته
محتار ابو نواس قدم الرشيد=أزري يجيب العلم من حيرته

صمّ الصفا ماهوب مثل الجليد= ما تستطيع الشمس تكسيرته
ضحكت لي من شخص نوعه فريد=اللي يعاير ناس من عيرته

بعض العرب لو مات يحسب فقيد=و لاّ بعضهم موتته خيرته
السيّد أمره فوق كل العبيد= و لاَ تفيد الكور تكويرته