يا سلام الله على اللي يقضي الحاجه سلامه=و ان نشدني من نشدني قلت له مالك صلاحي
الجمل كانه رجع يا الربع ياكل من سنامه=قلت يا مختار خيره مات ميِت و حي يا حي

مرحبا بالشاعر اللي ماتجاهلنا مقامه = عد ماهبت على صحرا النفود امن الرياحي
الجمل مادامه ايفرق شرابه من طعامه = ماعليه اخلاف وضعه زين من كل النواحي

الجمل يا طيب طيبه بس لو يثنى خطامه=لجل يمشي مع جمال القوم في درب الصلاحي
النصيحه قبل لا يطلع على ريع الندامه=ثم يبلش في عبادٍ سلمها شل السلاحي

منته معسف جملنا دين ياراعي تهامه = لين غامد تطلق المجحود من بطن المراحي
التجارب طيبة في شر ولا في سلامه = ان حيا بشرتكم وان مات يطلبك السماحي

اشهد انّه جابها من فوق راسه بو دلامه=يوم طرّا غامد الهيلا مروّية الرماحي
البشاره طال عمرك فالجميله و الكرامه=في زمان الضيق و الّا في زمان الانفتاحي

نعم في غامد لكن ابوجميل ابدا كلامه = فالفهيم اللي تنكر فالثياب وفالوشاحي
القدر يسبق مشاوير الحياه ولاملامه = لاحصل فالوضع تطوير وبدا عصر النجاحي