ياوجه الفقر في باب القصر دقيت لكـ , مسمار = اشوفه والعرب من مر من عنده يشوفونه !
وانا وانته ياعلي ابن فلاح انداير الافكار = ولاندري متى المسمار من بابه يشيلونه !

هذا اللي يلوي أرقاب الرجال و يلفت الانظار=ليا منّ البنادم لدّ له ما ترمش عيونه
نبا نشكيه عند الشرطه و نكتب عليه إقرار=و دكان الحضارم سلعته مهاب مضمونه

عيونك فالسماء واللي يطالع بالعيون ايسار = ماشاف الجره اللي من رياح الوقت مدفونه !
يدور الوقت وتبان الحقايق والزمن دوار =ومن ودوا خبر بكره يبن عاضي يجيبونه ! !

عيوني فالسماء و أشوف من غير النجوم أقمار=و الاقمار الصناعيه ترى ماهيب مامونه
ترى بيتٍ بليّا ساس لو طال الزمن ينهار=و بعض الزاد للطرقي يجوز العذر من دونه

ثلاثه يلحسون اربع ميه من نار ابن عمار= احد يصل الهدف واحد ٍ ليا جاء طاح من دونه !
تبا تلقون , وش تلقون ؟ مدري مير ياخطار = عتيبه يعمرون البيت وانتم لاتهدونه !

ذوي زراق جعل الله يجازيهم على ما صار=أطعناهم على شان الكلام اللي يقولونه
الاسهم ما نكبها كلها غير إكتتاب إعمار=ترى هجرتك ماهي صاحيه من جدّ ,,, مجنونه

ذوي زراق يبغونك تعيش ابخير واستقرار= لكن الظاهر ان الفقر قد سلمك عربونه !
الاسهم كلها نكبه ونكبتها على الاسعار = وتجار البلد مافيه شي ٍ مايغلّونه

ياسلام ياسلام


محمد وعلي

والابداع من قديم


صحت السنتكم متابع