ابن عاضي الليله على الخير عزام = مكاسب هل العمهوج في راس طالب
ياطيب المواقف تشعف الرجل قدام = على وين مدري لكن الحظ جالب

على الخير ابن عاضي من اسلاف واعوام = على الخير مع مغلوب كان اوّ غالب
(( شجاعة بليّا عقل )) "مرواح صدام" = (( وعقل بشجاعة )) "عز مثل ابن طالب"

ترى ما يحكم الدار غير ابن حكام = اذن كيف هالموجب يروح اله سالب
عمر ابن خطاب وعليه ارفع اعلام = ترى الغدر ما يعرف لا ناب ومخالب

ولا كل حاكم حسب منهاج وانظام = على الواسطة ,, والحق مااعطى مطالب
ترا الذيب مايومن على حشد الاغنام = لكنه وفيّ مايغدر الا الثعالب

ترى المنهج اللي تنهجه منهجن عام = ولا فاد راع القلب كثر المقالب
ترى من يسوم بنقص لاشك ماسام = وصب الحديد يجيك قالب وقالب

اشوف ابن مشيب عايش اوهام واحلام = ولايدري انه ضمن طرح المكالب
على جودة السلعه يزيدنّ الارقام = ولاتبخص التجار حق الغوالب

ابن مشيب يكسر بشلفاه الاصنام = وغير الاجر يا ناس ماهو بطالب
ترى عيشة البسه على يد خدام = يجيها لحم ولا شوية معالب

ليا صرت ابن سحمان ابا ابصم بالابهام = لَكَنّ اله قالب زين وانت الك قالب
ترا الرزق قسّمه الولي صنف واقسام = ولا احدٍ بسارق رزق غيره وسالب