سلام يا عتيبه الهيلا سلام ٍ كثير=اعداد ما لاح برق وهلـّـت مزونها
يا هاجس الشعر عطني كل جزل ٍ وفير= ليلة شعر تنذكر ماعاد تنسونها

يامرحبا من هجوساً تعتلي ف\الضمير=عد النجوم او عداد الي يعدونها
ياهاجس الشعر عطهم ياعسى الفال خير=لين الجمر ياضعونه فوق غليونها

المشاركة الأصلية كتبت بواسطة عز الرفيق (المشاركة 1006577) الله الله بدايه موفقه متابعييييييييييييييييييييييييييين واصلوا واصلوا

فيك البقا يالمرحب جعل دربك سفير=يا شاعر ٍ تحسب الابيات ولحونها
الزهره اللي بها ريح النفل والعبير=ذبلت وهي من قبل كانوا يسومونها

نحسب علوماً لها بالوقت شاناً كبير=والثانية مانشدنا كيف مضمونها
اكيد تذبل ليا جفّفت عنها الغدير=المشكله عندكم يالي تقولونها

الله يجمّلك في دربك ومثلك بصير=فالعاليه والطوال اللي تنوشونها
الشجره اللي تظلل كل طير ٍ يطير= جاها قضاها وربك ميّـل غصونها

وانته كذاللك على الطالة تحث المسير=الله يجملك والعليا تطولونها
لو هب ياصاحبي يوماً عبوساً مرير=الشجرة الشامخة مايختلف لونها

يارب تحفظ عبادك من عذاب السعير=والجنه العاليه يالله ينالونها
لي جا نهار ٍ من اهواله يشيب الغرير=تنجينا يوم الخلايق شاخصا عيونها

المشاركة الأصلية كتبت بواسطة أبن الجزيرة (المشاركة 1006633) يارب تحفظ عبادك من عذاب السعير=والجنه العاليه يالله ينالونها لي جا نهار ٍ من اهواله يشيب الغرير=تنجينا يوم الخلايق شاخصا عيونها اخوي كرزان بيض الله وجهك على اللعب الوافي والخاتمه عندك

المشاركة الأصلية كتبت بواسطة مرزوق حمدان العتيبي (المشاركة 1006640) , . بيض وجوهكم ... كلام جميل ... ومافيكم حيله .. ..