اشوفلي خيمه ولاكن مالهـا ظـلً ظليـل=والضاهر ان المشكلة ياصحابنا ف/اطنابها
الطير يكفخ بالجناح ولا يحصلـه مقيـل=والوقت عيا يجلب الحاجه علـى طلابهـا

الخيمه اللي ظلها معـدوم والا مستحيـل=عسى الهبوب اللي تهب اتشيلها تسعابها
والوقت زادت شدته مابين عدل وبين ميل =دنيا الشقى ياصاحبي كلٍ ترى يشقابهـا

الحل هـذا يالنفيعـي مايبردلـي غليـل=السم يمكن ينتشـر بديارهـا واشعابهـا
صادق ولاكن الزمن ياصاحبي شفته بخيل=والي يمد الطيبة ف/الوقـت مايجزابهـا

الحل من عند الله المعبود والرب الجليل=قادر يحل المشكله دامه يعرف اسبابهـا
والبخل فينا والزمن شماعة أتشيل الثقيل=راحو حلحيل الرجال اللي كسبت اعجابها

الدلة الي نصفها مسمار مدري زنجبيل=لو هي تفور احذر تقلطها على شرابها
الحملة الي شلتها ي/اشعيل حذرا لاتميل=والي يدّورها ترا ياصاحبـي يشقابهـا

نبا حصيلك يالندوي دام يعرف لك حصيل=القوم نعرفها مانجهل فعلهـا وانسابهـا
سمحان يركي للحمول الكايده دامه دليـل=واللي يذم الناس ماضر الرجال وعابهـا