الذهب مصهور نكتبه قصيد = والحروف الماس والقاري قرا
نشعل الرشاش بالجو الجليد = لين قدح النار با لضلما يرى
ونفرش الإزهار والزل الجديد = من علاوي نجد لطلعة كرى
والمشاعر وسط قلبي ما تحيد = عن محبة من نباه ... معطرا
شيخنا عملاقنا الحر الفريد .= مالنا من دون سلطان أمورا
يا عميد الطيب ما غيرك عميد = عزنا .. زيزومنا .. الغضنفرا
مزبن الفخذين ملجآنا الشديد = الذرى بالله ثم بك الذرى
طيب رأسك يجعل المبغض نكيد= زاد غيظه والمزاج معكرا
غاليٍ يا شيخ والرب الشهيد =حبكم بالدم مجرا ألا بهرا
يا سلالة من على البيد تبيد = بالصباح وبالهجاد الاقشراء
يا سلالة مسكه الحربة تجيد = اخبرا بالدين ... وبالحرب خبرا
مسلمين ٍمؤمنينٍ .. ما نكيد = من مشاهير القبائل والورى
ودي أوجز موجز الماضي المجيد = من على عصر الرسول النيرا
أمة الإسلام شرفها الوحيد = بالرسالة يوم حلت في حرى
حطم الأصنام وإبليس المريد = وصدعوا بالحق الله أكبرا
واشرقت شمس الخلافة دون قيد= والخليفة بالجنان مبشرا
طهروها من البراثن والصديد = عزوا الإسلام بالكون اجهرا
وصال بالصولات عامر والوليد =لين كسرى الفرس قفا وادبرا
وسارت الأيام عيدٍ بعد عيد = من عصورٍ في حلاها تبهرا
بنو أميه عصرهم عصر حميد = سطر التاريخ عنهم مافترى
والعباسي عصرها هارون الرشيد = ارتكى للرو م... ما تقهقرا
ودارت الأفلاك في جهدٍ جهيد = بين عز وبين رجعة للورى
ثم أعود للجزيرة من جديد = اذكر اللي في الجزيرة قد طرا
قرننا الثاني عشر شرحه يزيد=وقرننا الثالث عشر مايسترى
يوم كانت للقوي الصايد يصيد= وش جرى في نجد اسمع وش جرى
شيوخنا في نجد تفعل ما تريد =عافوا العدوان لذات الكرى
آسرة فيها الزعامة من بعيد= كل شيخ فيهم أدهى واخطرا
ما نسينا شيخة الوقت المكيد= ذكرهم جوف القلوب مسطرا
تركي اللي سير الحشد الحشيد = من بحرها لبحرها يذكرا
أمطروا برماحهم مثل الاسيد = وسالت الوديان دمٍ احمرا
قرروا من بعد حلينا الشديد = بالسيوف الحدب غصب محدرا
في نهار الكون شيبنا الحفيد = وانتصرنا في النهار الاغبرا
وجدك اللي حاز في نجد الرصيد =ابن هندي فوق نجد مومرا
محمد اللي لا طبخ دم الوريد = بالمعارك ما يهان ... ويخسرا
ويوم حذف الروس من دون اتعديد = الجماجم سودت صفرا العرى
احكم القبضة على نجد الو قيد =من يمين ومن يسار ومن ورا
تشهد الصعران وشيوخ الرشيد =والصحيب اللي عن صحيبة سرى
ومن عجايب دنيتي برجٍ حديد =برج إيفل بالعجايب يخبرا
ومن عجايب نجد عفار عتيد.= شيخنا اللي بالأعادي يعفرا
واطول حروب الأصيل والعبيد =باردة مابين شعب انجلترا
واشرس حروب الميسر والزهيد = حربنا في نجد نارٍ تسعرا
وعمك ابن بجاد لطام الضديد = مجلي الأشراف من أم القرى !
ساق حسين مع الفيافي كالمعيد= واتجه للشام والجيب انفرى
بأربعينات أول العهد السعيد = إن درى التلميذ ... ولا مادرى!!؟
الحقا يق ما تغطا بالجريد= والعلوم الطايله ما تنكرا
الفعايل تجلب العلم الوكيد= والملاحم ما تباع وتشترى
والصغار صغار والله ما تفيد = ما تكبر لو عليها مجهرا
وكل شيخٍ دون ما جوبه عنيد = ومن يذم الخلق ينشب في الغرى
ودمت يا سلطان بالعمر المديد= ويرحم الله من دفن تحت الثرى
ماحلا بدع المثايل والنشيد = واسمحولي كان قافي قصرا

وعمك ابن بجـاد لطـام الضديـد مجلي الأشراف مـن أم القـرى ! ساق حسين مع الفيافـي كالمعيـد واتجـه للشـام والجيـب انفـرى

الله يرحم سلطان بن حميد
وصح لسان الشاعر فهد

وعمك ابن بجـاد لطـام الضديـد = مجلي الأشراف مـن أم القـرى !
ساق حسين مع الفيافـي كالمعيـد = واتجـه للشـام والجيـب انفـرى
بأربعينـات أول العهـد السعـيـد = إن درى التلميذ ... ولا مادرى!!؟
الحقـا يـق مـا تغطـا بالجريـد = والعلـوم الطايلـه مــا تنـكـرا

يستاهل المدح ابن حميد

بأربعينـات أول العهـد السعيـد
إن درى التلميذ ... ولا مادرى!!؟
الحقا يـق مـا تغطـا بالجريـد
والعلـوم الطايلـه مـا تنـكـرا