بسم الله ابدا و البدايه خير و المعنى يتيم=الله يعز الدين ويعز الملك و المملكه
اتعب على خوة هل المفهوم والعقل السليم= و الّا السلنتح مالهم عندي يكون المسلكه

اليا ذكرنا الله يخزى كل شيطان رجيم=لكن يالشهراني الشيطان ربي يهلكه
وانا ترى ماتعب لخوة راعي العقل السقيم=عتيبه الهيلا ترى درب الردى ماتسلكه

الشك زايل و العقل يا خوك للعاقل خصيم=لكن يا الاصعر بليس العود حذرا تشركه
عتيبه الهيلا لها ماضي و تاريخٍ قديم=يوم الجمل سمحان يرغي في مراغة مبركه

منه ماحولي شي ,,, كله معك في وسط البريم=فاتت عليك الاوله ,, واللي تبا ماتدركه
حنا ما نبغالك شهاده ,, ياذكي مدري غشيم=لاتبرك بحملك وترغي ماوصلت المعركه

اسبوع في حي الملز واسبوع في حي النظيم=و اسبوع في حي العريجا راس دقنك تفركه
الهندي اللي ما عرف من هرجي الّا سيم سيم=ليته يفتّش في رصاص الربع قبلٍ يفلكه

انته يابن شهران ما غادرت من حي النسيم=ترص عمرك من كبر خوفك عجزت تحركه
يوم الرصاص اللي يثور ولا يموج عن الصميم=سقنا الجمل للحرب يوم(ن) الجمال امّبركه

ضيّعت راس المال ما بين المدينه و القصيم=ما تدري انّ الطايف احلى و السمك في مشبكه
خل المدايح للكريم ابن الكريم ابن الكريم=و احذر تغرك عالمٍ دايم تحب اللكلكه

حنا سيعنا فالحرم مابين زمزم والحطيم=ولاّ الشبك مانلتفت يمه ولا يم سمكه
من يجهل اهل الطيب واهل الطايلات امه عقيم=ياللي فعولك كلّها مغير زير ودربكه

تقول كنّك حاملٍ من فكر عبّاس العديم=اللي عطاه الله شاصٍ كل يومٍ يشركه
ما تدري انّ البيت عوّد في جنوبك يا فهيم=اهل السبال الوافيه ما همها بو سكسكه

راجع ياشهراني ,, ضميرك ثم تدري بالخصيم=اللي منه روس العرب تفكيرها ماتملكه
النصر سجلّه ثنين اهداف في باب الزعيم=مير الزعيم اكيد حضه زين ويفك اشركه

السوري يحاول له اكثر من سنه يبغى النديم=و الاردني عايش حياته كلبوها جمركه
اثنين ضد اثنين و النقطه عليها مستقيم=الزير زير الحرب ما هو مثل عود الشكشكه