ياسلام الله سلاما" فيه مر وحالي = والسلام يعم كل المنتدى وحضوره
ياكثر قوم السوالف فالزمان التالي = والبلا بعض العرب في علمها مغروره

مرحبا عند الرجال اهل المقام العالي= عزوةٍ بين العرب راياتها منشوره
شايف اللـــــــــي شايفه ويحلها الحلالي=روح في حالك وخل احوالهم مستوره

البقا و اللي من الايام قلبه سالي = مايهمه لو تهد الحله المعموره
يالعميل اللي تبيع وتشتري بالغالي = البضايع بايته واسعارها ميسوره

القلوب اسرارها عند الحكيم الوالي= كلها في دبرته منهيه وماموره
البشر فيها اختلاف ووقتنا ميالي= والشعر مظلوم من شعاره وجمهوره

الفطانه والذكا ماتشترى بالمالي=كل رجالاً يجيب اللي على مقدوره
مانقول انك مثل مطلق وسيع البالي= مار ياليتك تجي لو ربع من باكوره