سلآم تسليم يزرق مثل زرق الرماح = ياصل ديار المحاني مايقف دونها
أثْرك مثل صقر ابن برمان يا بو فلآح = سديت عين الجماعه وانفقع نونها

يا مرحبا من رجالٍ ينقلون السلاح=عزّ الموالين و الاعدا يضدّونها
الحر الاشقر ليا منّه كفخ بالجناح=روس المراقيب ما ينزل من ركونها

ابا اقترح للجماعه يا علي بقتراح = بعض العرب ليت للماضي يردونها
لو كنت تارد على العد الزلال القراح = زلتك لآ يمكن ان الربع ينسونها

بلاكم عقولكم بالعرف دايم شحاح=المعرفه للقضاه اللي تعرفونها
لا تنبش العلم فالتنبيش مالك صلاح=ثمّ أكتب أخبار كل الناس يقرونها

حنا نقول الحقيقه ما نحب المزاح = وانتم تبيعونها من دون تشرونها
انته تهدد وتهديدك قفاه الرياح = وحمولكم كوم وازريتوا تشيلونها

حظك بغا يعتدل في وقفته ثم طاح=و الروس ما عزها الله غير بمتونها
جارك ضميره ما يشعر فالزمن بارتياح=عذروبكم دايم الجيران توذونها

حضي يبو زيد يبدي مثل نور الصباح = وانتم غديتوا مثل ليلى ومجنونها !
انته تقول ان صدرك ما يجيه انشراح = وجيراننا ما تشوف الضيم ونعونها