يسعد صباحك على ما قيل يا سعود=و الصبح دايم طواريقه جميله
جوّالك اللي على تحويل موجود=ليتك تكسّره وتدوّر بديله

صباحك آسعد وانا مانيب مطرود = جيتك وابا العب معك با اسهل وسيلة
الكلمة اللي لها معنى ومردود = تعجب هل الراي واصحاب الفضيلة

البن و الهيل يا رجّال و العود=هاذي تراها معاريف الجميله
ان كان غرّك كلام حميد و حمود=فالله يعينك على جمر المليله

مدام اشوفك مابين النقص والزود = وشلون أحمّلك والحملة ثقيلة
قريش ماتنتسب لا اصحاب الاخدود = واصحاب الاخدود مافيهم عقيله

عمك جبل ما يهمه صكة النود=لو صار ما صار ما جا فيه ميله
قريش تبغى دليلٍ يشعم الذود=ما همتّه طرقته لو هي طويله

لو الولد مقتدي من سيرة العود = لا اقول هذا الولد يسوى قبيلة
هداج بيرٍ علاه اهل البل ورود = وهاذي ترى ماهي بحاجة قليلة

العود يكرم و يكرم راعي الجود=لونّ كلٍ عيونه في سبيله
هداج تارد عليه البيض و السود=و البيض و السود حاجه مستحيله

امعرب الجد جاه معرب جدود = والاصل محسوب للناس الاصيلة
ابو جهل يوم حك العود فالعود = جاه ابرهه يدرّج من فوق فيله

الظاهر انه يبالك عشره سدود=يا واديٍ كل يوم يسيل سيله
التاجر اللي يجيب زيود و هنود=في شركته ما ورا شغله حصيله

ان كان ربي قردك وصرت مقرود = دعواك ماتنقبل وش تدعي له
الاتفاق انعقد بشروط وبنود = ياليت كلٍ يعاين في زميلة

لونْك تعرف فوايد عنصر اليود=دهنت به شوشتك في كل ليله
الحبل من قبلكم يا هيه معقود=و الفرض ما ينحسب مثل النفيله

ماني على حرقة الاعصاب محدود = ياللي على سكته يومي شليله
المجتهد ينحسب له كل مجهود = لكن بعض السواليف ويشهي له

يا الله عسى عمْر راعي الطيب ممدود=و الّا الردي عزتيله عزتيله
ما تدري ان العُمُر مفناه للدود=و لا يذكر الّا المواقيف الجزيله

لاثار وسط الخبا شعلة وبارود = من بين الاصحاب تشتب الفتيلة
فالملعبة لاحصل صايد ومصيود = ماينفع المورقي زيد العضيلة

الصحبه اللي بلا ميثاق و عهود=سلّم عليها و كلٍ له قبيله
ختامها و القصر ما هوب مهدود=حتى ولو تخلط الما بالعبيله

الشهراااني=

يسعد صباحك على ما قيل يا سعود=و الصبح دايم طواريقه جميله
جوّالك اللي على تحويل موجود=ليتك تكسّره وتدوّر بديله

سعود البرقاااوي=

صباحك آسعد وانا مانيـب مطـرود=جيتك وابا العب معك با اسهل وسيلة
الكلمة اللـي لهـا معنـى ومـردود=تعجب هل الراي واصحاب الفضيلـة

الشهراااني=

البن و الهيل يا رجّال و العـود=هاذي تراها معاريـف الجميلـه
ان كان غرّك كلام حميد و حمود=فالله يعينك على جمـر المليلـه

سعود البرقاااوي=

مدام اشوفك مابين النقص والزود=وشلون أحمّلـك والحملـة ثقيلـة
قريش ماتنتسب لا اصحاب الاخدود=واصحاب الاخدود مافيهـم عقيلـه

الشهراااني=

عمك جبل ما يهمه صكة النـود=لو صار ما صار ما جا فيه ميله
قريش تبغى دليلٍ يشعـم الـذود=ما همتّه طرقته لو هي طويلـه

سعود البرقاااوي=

لو الولد مقتدي من سيرة العود=لا اقول هذا الولد يسوى قبيلة
هداج بيرٍ علاه اهل البل ورود=وهاذي ترى ماهي بحاجة قليلة

الشهراااني=

العود يكرم و يكرم راعي الجـود=لونّ كـلٍ عيونـه فـي سبيلـه
هداج تارد عليه البيض و السود=و البيض و السود حاجه مستحيله

سعود البرقاااوي=

امعرب الجد جاه معرب جـدود=والاصل محسوب للناس الاصيلة
ابو جهل يوم حك العود فالعـود=جاه ابرهه يدرّج من فوق فيلـه

الشهراااني=

الظاهر انه يبالك عشره سـدود=يا واديٍ كل يوم يسيـل سيلـه
التاجر اللي يجيب زيود و هنود=في شركته ما ورا شغله حصيله

سعود البرقاااوي=

ان كان ربي قردك وصرت مقرود = دعواك ماتنقبل وش تدعي له
الاتفاق انعقد بشروط وبنود = ياليت كلٍ يعاين في زميلة

الشهراااني=

لونْك تعرف فوايد عنصر اليـود=دهنت به شوشتك في كل ليلـه
الحبل من قبلكم يا هيه معقـود=و الفرض ما ينحسب مثل النفيله

سعود البرقاااوي=

ماني على حرقة الاعصاب محدود=ياللي على سكته يومـي شليلـه
المجتهد ينحسب له كل مجهـود=لكن بعض السواليف ويشهي لـه

الشهراااني=

يا الله عسى عمْر راعي الطيب ممدود=و الّا الـردي عزتيـلـه عزتيـلـه
ما تـدري ان العُمُـر مفنـاه للـدود=و لا يذكـر الّا المواقيـف الجزيلـه

سعود البرقاااوي=

لاثار وسط الخبا شعلة وبارود=من بين الاصحاب تشتب الفتيلة
فالملعبة لاحصل صايد ومصيود=اينفع المورقي زيد العضيلـة

الشهراااني=

الصحبه اللي بلا ميثاق و عهود=سلّم عليها و كـلٍ لـه قبيلـه
ختامها و القصر ما هوب مهدود=حتى ولو تخلط المـا بالعبيلـه