ياللي تسيّر فالمحاني كن مافالدار أحد= مدري تروح امنين لو خط ٍ يجيكم نقفله !!
من عقب ماحظك رماك اليوم في درب الاسد = وحده من الثنتين ياياكلك والا تاكله !

الدار عزّه بالرجال اللي يعزّون البلد=و ان ضاق دربك ما تضيق بنا دروب المرجله
الارض فيها اللي الليث و اللي فالسماء طير السعد=الفرق واضح بين تلك المنزله و المنزله

غن اللحون الاوله على الطواريق الجدد=لو الجديده ياعلي ماهي بمثل الاوله !!
ماودنا نظهرك ياجسم ٍ مكفن فاللحد = دام اكثر الشعار ماتنقض كلام ٍ نفتله !

الاوله من قسمنا و الثانيه و اللي بعد=يستوفي المسلم حساباته على قدّ عمله
خابرك ما تقدر تكلّم فيك علّه فالغدد=إن كان عندك علم للناس اكتبه و لاّ قله

انته بلشت ابـ / عيد وبـ / عايد وحمدان وحمد = لكن مايبلشك ويعقّدك خلّه وازهله !
قال المثل من جد ياعلي العضياني وجد = وانته ليا هالحين عمرك ما انظمن مستقبله !