ودك تنال الاوله لكن حظك مايقوم=والحاجه اللـــــــي تتعبك حاول تدور غيرها
من لاتعلمه الليال الدايره والا الخصوم=ودك لياماتت تصير النار من مصيرها
اخص فيهامنكر المعروف ماخص العموم= الحاسدين ضعوف الانفس مذيه قطيرها
صدقن على قول المثل مافيه رجال معصوم=مار النشاماتنعرف فالوقت من شويرها
عجل عليه يحمر العنين يا نسل القروم= يانسل لابه في مواقفها ثبت قريرها
انا اعرف انالفرق واضح بعد الارض اعن النجوم= وخطلان الايدي ماتقدم قبلها الا اميرها
لكن شد الحيل فالمشوار يالحر العزوم=تراك من لابه تميز دوم في مغيرها
العيد بين من عصر والحج يعرف بالقدوم= واهل السيوف الطيبه تحرس على جفيرها
وانته تخير والك مابين الرياجيل الشهوم = وحذر لهيب النار لاترميك في سعيرها
البحر موجاته خطيره غير رجالن يعوم= قدام لاينزل بغبتها يقوم يديرها
وانته ياسيف ابن الوليد اللي سليم من الثلوم= الناس قامت تحشد القوه و تنقر زيرها
في ذمتي يامثل ذولي مايسدون اللزوم = واللي كماك الله من ظروفالزمان يجيرها
حبيت اعبر من ضميراً مايغر من السلوم= والشله اللي مفلحت تشره على سفيرها
اللي يدفون البشروالياجلس قال مخدوم=واليا انطفت فتنه على راسه يقوم يثيرها
هذا الصحيح من الخصلات الحميدات محروم= وانا اشهد ان ماتفلح الشله وهو مديرها
مادام ابويه تاج فالتاريخ محسب للرخوم= احسب لشروى هالوجيه يهمني تقديرها
وختامها كل البشر في يدين خلاق رحوم= وكلاً على قول المثل تعمل حسب ضميرها