يقولون البحر صافي ونا قول البحر غدار=وفيه اسرار مخفية...وفيه اسرار مخفية
سلام الله سلاماً يرضي الجمهور والشعار=عسى الله يصلح النية... عسى الله يصلح النية

يقولون العرب ماكل طير ٍ يالنداوي طار = وصاد الداب والحيه وصاد الداب والحيه
هلا يامرحبا والي علومه طيبه يختار = مابين الشمس والفيه مابين الشمس والفيه

انا اشوفك تولع يالمفرهد فالهشيم النار=وتسعى لنجومية...وتسعى لنجومية
يدوم ابك البقا والطيب يبقا فالوجود شعار=ونعلنها علانيه...ونعلنها علانية

علوم رجال يارجال ماهي دق دٌف وطار = مواقفنا بطوليه مواقفنا بطولية
ولا يالصاحب الي جيتنا قلي من ايت دار = عليك حرود نجديه عليك حرود نجديه

تقولونه ولاكن المحرر يخلف المشوار=يبث اخبار رجعية...يبث اخبار رجعية
انا من لابتاً ف الحرب تقلط للحريب اجهار=ونضرتنا سماويه...ونضرتنا سماويه

المشاركة الأصلية كتبت بواسطة شبل شيبان (المشاركة 999308) ولا يالصاحب الي جيتنا قلي من ايت دار عليـك حـرود نجديـه علـيـك حــرود نجـديـه قربته واجد يافرهودي ... صحت الالسن متابعين ... والصف صفك يافرهودي ..

لنا فالوقت هيبه يالنداوي ترهب الكفار = ولا فينا حراميه ولا فينا حرامية
ومن شاف الثمر مثمر طبيعي يحذف الاشجار = ويجيب اخبار ملويه ويجيب اخبار ملويه

نقول النعم يزهاكم ولاكن الزمن دوار=على روس الشواوية...على روس الشواوية
نحسبك يالفريهيدي قبل هاذي من الشطار=تولوك النداويه...تولوك النداوية

المشاركة الأصلية كتبت بواسطة محـ العتيبي ـمد (المشاركة 999356) شعراء كبار صحت السنتكم متاااااااااااااااابع

ولك نعمين منيٌ مير لاترمي بدون عيار = ترا نار العرب حيه نار نار العرب حيه
تقوله وانت يالصاحب رصيدك فالبنوك اصفار = ولاهذي ولا ذيه ولا هذي ولا ذيه

كثير الشك يمكن ياصحيبي يلفت الانضار=ويصحون العماوية...ويصحون العماوية
ليامني بغيت اجرح على الميسم شعمت النار=تموت وندفع الديّة...تموت وندفع الديّة

على قال المثل راع الثقه فيه العدو يحتار = معه بندق وجنبيه معه بندق وجنبيه
علومك طيبه ياصاحبي لكن ٌ بعض أمرار = حركات فرنسيه حركات فرنسيه