البيوت الكبيرة ترتفع بالعمود=والعلوم الندية ماتهس الصواب
ياسلامي سلاماًيعتلي ف السنود=والمشاعر تحثة فوق حد السحاب

ماارتفع غير بيت العلم والعود جود = والردى والجهل ماطال عوّد خراب
ياهلا مرحبا بك عد دن الرعود = وانتثر وابله واسقى وسيّل شعاب

ترتفع مير ياتيها زمان الركود=والجبال النوايف يغتشيها ضباب
البقا يالدجيماء جعلكم ف الوجود=عد مادرهمت بالقاع عوج الرقاب

المشاركة الأصلية كتبت بواسطة ولد النير (المشاركة 997632) صباح النور والسرور مبدعين صح السنتكم واصلو

المشاركة الأصلية كتبت بواسطة الكنق 2011 (المشاركة 997634) الله الله صح السانك يالذيب ولاهنت يالنداوي

صيتها يرتفع ولا الشكل مايزود = والحقايق تبيّن ماسترها حجاب
قدمك الخير سوّه لاتعدّى الحدود = ماخبرنا لمن عداها غير العذاب

الاذاعة يجيها كل نقصاً وزود=ترفع اوناس واوناساً تروح هباب
تبذل الجهد وافي مير تلقى جحود=والشهود اربعة واثنين راحو سراب

مامعك غير دبلوم وتمنى الصعود = كمل وخذ بكالريوس واخذ الخطاب
انت تبذل وفيه جهود تطمس جهود = في زكاة الذهب لازم كمال النصاب

الشهادة تراها ماتفيد الجنود=والمعارك تراها ماتعرف الحساب
ندحم القوم بالجنب المتين ونذود=واليالي طويلة ياعزيز الجناب

كان تبغى ترقّى شنّ فوق الزيود = غارةٍ يسمع القاصي بها والقراب
الملك واعد الجندي صدوق الوعود = كان عاش ارتقى وان كان روّح يثاب