يا سلام الله سلامن له الحمل الثقيل=والجمال الباركه ما تشيل احمولها
من يبا ييلعب معي قلت له خلك دليل=والعلوم الطيبه جيبها بأصولها

مرحبا ترحيب شاعر معه بنن وهيل = والدروب الكايد صولها ونجولها
شد حيلك يالمقاطي وراك الليل ليل = والعلوم الطيبه لك ترانا نقولها

البقا يالي ترحب عدد وبل المخيل=والمعاني عندكم ظبطوا معدولها
رتبوا بجيوشكم واصقلوا حد الصقيل=واصدموا صلب العرب واذبحوا بزحولها

المشاركة الأصلية كتبت بواسطة محمد شبيب السبيعي (المشاركة 997117) صحت الالسن والقلوووووووووووووووب

لاتهور يالمقاطي ترى دربك طويل = دامها بيني وبينك لقيت احلولها
فات وقتن فيه دمن وفارس فوق خيل = بعد ماجانا المؤسس وشال انزولها

المقاطي عينه لفوق مره ما تميل=خايلن للسحب واشوق يم اهلولها
يا صحيبي قلي اليوم كم هوُ الحصيل=والمزارع يا عرب ماعرف محصولها

ياحليلك يالمقاطي حليلك ياحليل = ضيع الدعوى وتلخبط بعرض وطولها
قدمك البستان مليان بنواع النخيل = مير منته قادرن للنخيل اتطولها

انت لو انك تجمع كثيرن مع قليل=مادرينا عن زعاج العرب وطبولها
نحرق البستان وتشيلها وسط الشليل=مير حملك اهده الناس عند ذلولها

نلطم العايل ونذبح لمثلك كل حيل = ونت قدمت العدس والتميس وفولها
شيل عفشك يالمقاطي وجهز للرحيل = مابقى فالديره الا السباع وصولها

يا صحيبي قلي اليوم كم هوُ الحصيل=والمزارع يا عرب ماعرف محصولها

قدمك البستان مليان بنـواع النخيـل=مير منته قـادرن للنخيـل اتطولهـا

المشاركة الأصلية كتبت بواسطة سطام الشجعاني (المشاركة 997156) نلطم العايل ونذبح لمثلك كل حيل = ونت قدمت العدس والتميس وفولها شيل عفشك يالمقاطي وجهز للرحيل = مابقى فالديره الا السباع وصولها صح الله لسانك تشرفت باللعب معك تحياتي لك