والله انا مادرينا عن مشاوير الحضاره=اثرها لو كان ترفعنا توطينا تحتها
كل رجالٍ يقدي بالثقافه في مساره=واكثر العلم ثقافه والعرب مجاملتها

الحضارة ترفع العالِم على حسب اقتداره = والمهابيل الله اعلم ماتغيَّر منزلتها
كل من يعجز يروم الطيبة تاره وتاره = قال خلوها ترا زود الحموضه خربتها

المشاركة الأصلية كتبت بواسطة أسير القوافي (المشاركة 996274) زود الحموضة خربتها .. الله الله :) صحت الألسن .. متآبعين للطحاطيح :)

الكلام اللى على الموضوع يثني بستداره=ساقة الحرمه ولفت بالعبايه وحذفتها
من يخلف سلمن لابد ماحصل دماره=سلمنا سنة نبيه ونتبارك بثمرتها

يوم شفت البيت الاول جات في بالي عبارة = "وابك حرر قدسنا واستامنت قوم سكنتها"
والله انا ندري ان النار من قدحة شراره = مار ياربي تبيد اللي بيدها ولعتها

عولمه والعولمه في تالى ادعوى اشاره=واوجود ي يالعقول اللى نصتها وتبعتها
كل علمٍ عندنا ياليه ماناقص شطاره=ليه يوم يطش ثوبه راكب اللى صممتها

قبل كان الخلق نهج المصطفى هذا شعاره = واحسافة جات دوامة جهلهم وجرفتها
للطرق حطوا خريطة واسس الحاقد جداره = واصبح العالم تبيع الخطة اللي مسستها

كل علماني تقدم واظهر الدعوا نعاره=قال هذا مادرسنا عند هذي درستها
ليه لبنان وعراقه قبلها ورع الحجاره=ماتحرك في قلوب اللى غشاوتها غشتها

كل علماني يبا يلقى نصيبه فالتجارة = والخسارة عندنا فعقولنا بعد سرقتها
تتموت وباقي الاقصى أسيرٍ في حصاره = " نعنبو ناس تقول الكلمة وجت ماحمتها "

ابركه من يوم نسمع الله اكبر بالمناره=والعلوم اثانيه ماعندنا في فبركتها
يعني ادعوا تراها لا ثقاف ولا حضاره=اول اعلومي علومك ياصحيبي ترجمتها

مايطيح الدور الاعلى غير من ساس العماره = يمكن ان السر في عمالها اللي عمرتها
اقفل الموضوع قبل الكنق يكتب في قراره = اسجنوهم واعدموهم واقفلوا صحْف انشرتها

المشاركة الأصلية كتبت بواسطة سهم الليل (المشاركة 996338) صح لسانك يالدجيما تعلمت منك الكثير ولا زلت اتعلم تشرفت بمجاراتك فائق احترامي وتقديري

المشاركة الأصلية كتبت بواسطة ابن طامي (المشاركة 996340) صحت الألسن .. الدجيماء , أببطي وانا أقول جزل .. :) ولايهون سهم الليل