جاني يعاتبني وفـي عينـه دمـوع=يخفي عذابـه والدمـوع أفضحنـه
يجمع قواه وكل مـا منـه مفجـوع=كنً الخطى لحظـة مشـى يسبقنـه
مع حشرجت صوتٍ تقل غير مسموع=ويجمع حروف العلـم مـا طاوعنـه
قامت تناقشني وانا اقـول مسمـوع=ودي تخف دموعـه اللـي غشنـه
تقول جالك ولـف فالنـت وربـوع=اللي على الياهـو هواهـن شكنـه
تحفظ رسايلهن بصندوقـك أسبـوع=وترسل لهن من شعرك اللـي يبنـه
وانا جداي اللي على الخد جـن زوع=وأنتـه تناظرهـن بشفقـه ومـنـه
ماكان ظني فيـك يلحقنـي الجـوع=شـوف العواطـف ميتـه كلهـنـه
أول تقول إن الغـلا فيـك مطبـوع=وأني غـلاك اللـي تبيـه وتظنـه
واليوم شفني جيت بجـروح مليـوع=مليـوع وجـروح الهـوى لوعنـه
قالت وأبي ردك على النت مطبـوع=تذكـر غـلاي اللـي بقلبـك تكنـه
قلت أبشري برضاك هدي من الروع=اللـي تبيـن يصيـر منـه ومنـه
الله هداك أشفيك سويـت موضـوع=والسالفـه مـا تستحـق المحـنـه
لكنً على شانك ابـا أولـع شمـوع=في ملتقى الشعـار شـف نورهنـه
وأكتب لهـا عنـوان دلـوع دلـوع=دلوعتـي جتهـن ويــا ويلهـنـه
لرضاك لوتبغين أسلم علـى الكـوع=سلمـت انـا لرضـاك ياسيدهـنـه
بس الجفا والبعد وخصامك أسبـوع=تكفـى طلبتـك تستخيريـن مـنـه

المشاركة الأصلية كتبت بواسطة وصل العطياني؟؟؟ [color=#0033FF][size=4]وافي ولا يلحقك شكّ ... وكلامك هو عين العقل... لكن قسم الشعر الشعبي هو للقصائد المنقولة ... وهذا القسم لقصائد الأعضاء ... ويا هلا ومرحبــا بك ... قصيدة ممتعة ممتعة ممتعة ... [align=center] تحياااااااااتي

المشاركة الأصلية كتبت بواسطة النفاعي لرضاك لوتبغين أسلم علـى الكـوع سلمـت انـا لرضـاك ياسيدهـنـه بس الجفا والبعد وخصامك أسبـوع تكفـى طلبتـك تستخيريـن مـنـه مبدع والله يانياف وصح لسانك

المشاركة الأصلية كتبت بواسطة فهدمتعب الجعيد وأكتب لهـا عنـوان دلـوع دلـوع دلوعتـي جتهـن ويــا ويلهـنـه مبدع وصح لسانك

المشاركة الأصلية كتبت بواسطة أبوعتب العطياني الشاعر نياف صح لسااااانك حتى ترضى والله انك جزل

المشاركة الأصلية كتبت بواسطة ذيب الحجاز قالت وأبي ردك على النت مطبـوع تذكـر غـلاي اللـي بقلبـك تكنـه قلت أبشري برضاك هدي من الروع اللـي تبيـن يصيـر منـه ومنـه الاخ العزيز ..,/ نياف تبهرنا بروائع وجدك الشعري صح لسانك مليار ,,, يا نسل الاخيار على هذا الابداع الراقي نتعشم المزيد من أبداعك الجديد ...,، فلا تُطيّل لك خالص الاحترام .., ذيب الحجاز