سلام تسليمت(ن)تنصي كرام الرجال =اقولها واكثر العربان قد قالها
الله يجيب الفرج والخير في كل حال=والناس تعرف مواقفها ومنزالها

يا مرحبا يا هلا و العود يقفى الدلال=و اهل الوفا و الكرامه نكرم سبالها
آآمين لو كان راس السالفه ما يزال=يسرح و يمرح يبو صالح و را جبالها

دام البقا يالمرحب وانت ضمن العيال=اللي ليا جا نهار العلم خيالها
تبا تبين السوالف كان طال الجدال=والرجل لامن بغاله حاجتن نالها

ترا هَلَ الغرب ما تعرف مقام الريال=لكن خلك على الدله و فنجالها
انته تحب النصر و الّا تحب الهلال=هاذي سواليف قومٍ خايبٍ فالها

الغرب مافرقت بين الحرام وحلال=تاكل وتشرب من اللي صارفي بالها
هذا هو اللي نكبنا طول ماض الليال=اعرف مخاريجها قدام مدخالها

المشاركة الأصلية كتبت بواسطة محمد صالح العطاوي (المشاركة 981987) الغرب مافرقت بين الحرام وحلال=تاكل وتشرب من اللي صارفي بالها هذا هو اللي نكبنا طول ماض الليال=اعرف مخاريجها قدام مدخالها

ما نيب مجبور في عادل و عمه جمال=الظاهر انّي بروّح مالي و مالها
لا صار قَصْرَ السوالف فوق جرفٍ هيال=يمكن يطيح القَصَرْ لا دق زلزالها

مال الحمول الثقيله غير ظهر الجمال=وصحيبنا لابرك للحمله اشتالها
القصر ثابت علي السيسان يابو كمال=ولنته بعم البنيه مانته بخالها

اهدر بها يا جمل و الليل عقبه ليال=عينك على حملتك لا تقطع حبالها
دام الاجابه بعيده عن حدود السوال=فالله يعين البشر لا بان دجّالها

عان الرعد والبروق تلوح عرض الخيال=والسيل لاتامنه لاناشك خيالها
الناس راحت جنوب وجهتك لشمال=والله يعز الديار بصامل ارجالها

البرق لا ما برَق توّه صتيم الجبال= اللي نهار اللقا ترتاح بظلالها
لا صار مالك على طول الزمن راس مال=لا تلحق الحمله و تغتاب جمّالها