يامرحبا ياحاكم الغنامي=ترحيبتن ترضيك ماترضيها
والشاعر الي يعترض قدامي =ابا اجرح اجروحه وابا اداويها

حاكم ليا شافك مسيّر قامي =الّي البقا وترحيبتك مابيها!
كلش ولا قرب المقام السامي =صافح يمينٍ منته بقاويها

يالشاعر الي من زمان العامي=اتبيعها لاكن ماتشريها
واعزتيلك ياولد غنامي=ونكان عندك سالفه عطنيها

اثرك يانايف مثل صدامي =فيك الجهل وعلوم فيها وفيها
لاتنقل البندق ولنت برامي =وشلون حتى العايره تخطيها

مافي العطاويه ولا حكامي=في حاضر الدنياء وفي ماضيها
انته وغيرك ناس تحت اكمامي=علمبها والناس وش يرضيها

تبغا الحقيقه منته بملامي =زلتك حشمة روق ابا اعديها
ولا انت جايع فالبلاد وضامي =معروف فاولها وفي تاليها

تبا الحقيقه محتزم بحزامي=والطيبه حضي وانا راعيها
ندري عن الشاعر من الاعلامي=ياكاتب الحجه وياقاريها

احزام بايد من ثلاث اعوامي =نحزمبه يدينك على رجليها
حنا مع الفزعات توم سيامي =اذكر علومٍ صاحبي ناسيها

قدام لاتلعبك الاوهامي=لاتكحل اعيونك ولا تعميها
وقت المواقف ماتلين اعظامي=بعض السوالف كان ماتطريها

لوتزرع الارض البراح الّغامي=معك المشاكل ماني بناويها
انا بكمل حجتي وصيامي =واترّك ..واترك طرقةٍ تمشيها