البدايه سلامٍ للعصيمي شمام=شاعرٍ فاهمٍ حايز على الاوسمه
قالو الذيب عينه يا سعد ما تنام=ليت ذاك الشواوي ما يفك غنمه

مرحبا يالمسلم عد وبل الغمام=نص قدر الرجل من نص منطق فمه
الذيابة تعاوى والفشق فالحزام=ماش لحمً لذيب الضلع غير لحمه

البقا طال عمرك و النظام النظام=نص هرج العرب يبغاله مترجمه
خل عنك الذيابه و انتبه لي تمام=كيف صرتو عدا للعالم المسلمه

امس واليوم ولا قبل عشرين عام=كل يومٍ يجيني شخص واعلمه
قبل اركز معك تهرج معي بحترام=انت مانعرفك وعلومك مدمدمه

ما بقى بيني و بينك حمامة سلام=كم وكم شاعرٍ متكبرٍ نكتمه
كلمة الحق تغني عن شراب و طعام=و القلم كان تقدر رده بمجرمه

من كبر بطنه يشوف الحباري حمام=والنهاية عساها نعمةٍ دايمه
ولا بقى بينك وبينك سلام وكلام=تقرب وتاخذ العرقاه فالجمجمه

شهوة الورع لــ .. أمه بعد سن الفطام=مثل شهوة عزيز القوم للتمتمه
ما نبيها تعوّد في صليب العظام=غير من حدنا يا قوم ما نرحمه

المشاركة الأصلية كتبت بواسطة سـعـد الـعـصـيـمـي (المشاركة 979597) رفيع المنزل الصف يفخربك على شاني ولا على شان صاهود صح بدنك

شهوة الورع قلي هي حلال او حرام؟=انت فاهم وبعض الناس ماتفهمه
سالفتنا تراها مثل عود البشام=ان نفخها مولعها يضيق نسمه

حكمها مثل حكم الحلم وسط المنام=والذي ما فهم ينشد رجل معلمه
شوف حجم الصقور و شوف حجم النعام=و ان كليت التمر حذرا يروح عجمه

الحقيقه تراها غير بعض الحلام=تجربة قاسية في شي ماتحلمه
ماجهر فالصلاة الا الخطيب الامام=وان قرا اية من القران مايختمه

انت صل الصلاه و صوم يوم الصيام=لا تعوّد نهار الحشر في مشئمه
الوفا للوفي و الجود طبع الكرام=خل عنك الكذوب اللي نفخ برطمه