سلام الله سلامن سواه الدر والماس=يخص الصاحب الي قصر عني سلامه
تري حنا جماعتك روق ونرفع الراس=هل التاريخ واهل المروه والزعامه

المشاركة الأصلية كتبت بواسطة نايف بن ملحق الثعلي (المشاركة 978484) سلام الله سلامن سواه الدر والماس=يخص الصاحب الي قصر عني سلامه تري حنا جماعه روق ونرفع الراس=هل التاريخ واهل المروه والزعامه

المشاركة الأصلية كتبت بواسطة فواز السعيدي (المشاركة 978490) الله الله صح لسانك يابن ملحق وفي انتظار المبدع الكبتن متابه

هلايامرحبا وانت يا هالرجل.. لا باس=أشوفه محتشي صدرك ولا أدري علامه!!
يا طيب المدحه اللّي تجي من نايد الناس=ومدح النفس للنفس..نوع من الرخامه!!

لياجت للمواقف وصاري العلم حساس=تري الكبتن لياشافني تبرد عظامه
تري كلمتك ماهيب يارجال نوماس=وبعض الناس لوقال مانسمع كلامه

سواليفك ياهالادمي بيتٍ بلاساس=تبشّر بالهياط..وتبشّر بالملامه!!
مايعرف ردّها ألاّ ثنينً بين الاقواس=(علي وألاّ الجذع) وأنت يامال السلامه!!

انا خابرك شاعر وغير الشعر هلاس=وانا من خلقتي ماتحزم بالهلامه
عطيتك رد وافي لاكنك تونس اوناس=ولو انك تسولف علي وجهك علامه

المشاركة الأصلية كتبت بواسطة فواز السعيدي (المشاركة 978504) طيب ياصاهود ابشر بس انت تعرف درب الحره ؟؟

تشرّه كل ليله وأظنّك معك وسواس=وأنا أعرف صاحبي..والخبل ماني حزامه!!
لو أتركب جناحين عباس ابن فرناس=ندفّك من كرى لين تاقع في تهامه!!

المشاركة الأصلية كتبت بواسطة كبتن عتيبه (المشاركة 978534) سواليفك ياهالادمي بيتٍ بلاساس=تبشّر بالهياط..وتبشّر بالملامه!! مايعرف ردّها ألاّ ثنينً بين الاقواس=(علي وألاّ الجذع) وأنت يامال السلامه!!

المشاركة الأصلية كتبت بواسطة نايف بن ملحق الثعلي (المشاركة 978544) انا خابرك شاعر وغير الشعر هلاس=وانا من خلقتي ماتحزم بالهلامه عطيتك رد وافي لاكنك تونس اوناس=ولو انك تسولف علي وجهك علامه

ثلاث اسنين وانا احتريك وطول الياس=احسبنك رفيقي وفي راسك شهامه
علومك واضحه واعرفك يابنك الافلاس=وبعض اصحابنا ماوراه الي الندامه

المشاركة الأصلية كتبت بواسطة نايف بن ملحق الثعلي (المشاركة 978559) ثلاث اسنين وانا احتريك وطول الياس=احسبنك رفيقي وفي راسك شهامه علومك واضحه واعرفك يابنك الافلاس=وبعض اصحابنا ماوراه الي الندامه

يقولون العرب ليه تضحك يأبو نواس=وقال الضحك ممّا يقول أبو دلامه!!
على دار الحياء كم تحوش الناس عساس=ولا في ديرة الفقر لبّاس العمامه!!

تقول الناس من لايدوس الراي ينداس=اثر فيك الجهل والتغطرس والغشامه
تري مانته بكبتن ولاانته باخذ الكاس=تريح كل رجال ندري عن مقامه

المشاركة الأصلية كتبت بواسطة كبتن عتيبه (المشاركة 978553) لو أتركب جناحين عباس ابن فرناس=ندفّك من كرى لين تاقع في تهامه!!