سلام الله سلامٍ يفرق الحامض من الحالي=عسى يا الله عسى فيما حصل خيرٍ مع خيره
عجايب يا عجايب كيف ضاعت روس الاموالي=و لا ادري المشكله فالبنك والّا في هواميره

المشاركة الأصلية كتبت بواسطة فواز السعيدي (المشاركة 978480) صاهووود الرجال قال الطارف ... تبا تلعب ولا اوريك ؟؟

هلا والله لو الشرهه توالي لاوّل موالي = لكن اقرب هنا واقدح لك من الراس تعميره !!
ترى صاهود خايف منك (طلّ) و (فلّ) طوالي = ولدري ليش خايف منك نبغا نبحث السيره !!

تقدم طال عمرك و انت غالي دوك فنجالي=انا كيفي من الدله و غيري كيفه البيره
يقول انه حلف دينٍ غموسٍ ماله امثالي=وهذا قول صاااهود المسمى في معاذيره

ترى حنّا ندوس الراي دوس وحظّنا عالي = وهاذي مدحةٍ فينا ولاهي فالولد عيره !!
ترى هذا المطيري حطني فالمخرم الخالي = وخلّاني وانا ماعرف حدود ورسمة الديره !!

ترى مدّاح نفسه ما يقول الصدق يا غالي=هذيلي و الهذيلي طول يومه راكب بعيره
ترى ما باقي الّا احط توّك رقم جوالي=تركد لين خشم طويق يدري وش ورا نيره

ترى بعض السوالف ياعتيبي لونها بالي = ترى وضعك هذا خلاك يابن الناس في حيره !!
ياشاعر لايجيك الشك وانت ترد وتلالي = وانا اتوقع لك ابداعات فالمستقبل امثيره !!