ياشاويش عتيبه الهيلا الصغير بالنيابه = بالنيابه عن شاويش عتيبه الهيلا عطيّه !!
جدك اللي يذكرونه يوم صكات الحرابه = ياترى ياناعم الاظفار بكره وانت زيه ؟ !!

استلم يالجندي اللي قد قطِع منه الرجا به=قاطعين هذيل منه الموكدة والمرجويّة
من بغى اللقيا على وضح النقا يامرحبا به=وانت لو درت النظر يمّك ضربت الجرهديّة

اعطي الرجال مهله لين يعطيني جوابه = ونتوحّا في جوابه (صايبه ولا خطيّه ) !!
يوم اصغّركم (عتيبه) يوم اكبّركم (عتابه) = والعتيبه ماترد الرجل لاياصل خويّه !!

,, :) ,,

لاتحسبنّك وكيل آدم على عدّ انتسابه=اهذليّ لا عنان ولا سنان ولا مطيّة
قولها يالليّ خلق الله خردة في خرابة=مالقينا فيك شيٍ ينتكبّر لو بليّة

احمد الله ماعلي قصور (جدّاني صحابه) = وانت تفخر بالشاويش اللي لمثلك مقدويّه !!
لالمسنا الجرح بالقوّه ترى ماهي دعابه = اقبل اللي جاك والذمّه من الذّمه بريه !!

الكلام ابلاش .. جرّ الصوت مع قوس الربابة=واطيب الألحان تعرف بـ ( اللحون السامرية ):) !!
يوم انشّد عنك ربعك ( السعيدي ويش صابه )=قالوا انّه فيك علّة فالعصوب الداخلية !!

السعيدي يوم تتكلّم معا حضرة جنابه = لازم انّك تفتخر مادمت طالب ثانويه !!
العطاوي ضيّع المعنى ياليت الله ماجابه = يوم افكّر في بيوته تنقلب كبدي عليّه !!