سلام ردّه من صحيب ٍ مايبور مع الصحيب=يوعد ويوفي فالوعد.. لجل الرجال الوافيه!!
سلطان ودّه بالعسل وألاّ يبا سمن وحليب=كل الثلاث..أن قالها الله..صحتين وعافيه!!

يامرحبا باللي يغيب وكل مايحضر يجيب = مثايلٍ ماهي مجرد وزن بيت وقافيه !!
نبا الوفا فالكيل والميزان والراي المصيب = ان كان تقدرها تراها يالثبيتي كافيه !!

الليله المرضان ياسلطان لازمه الطبيب=اللّي معه مشرط يطلّع كل علّه خافيه!!
أمّا حفرنا له قبر..وألاّ برَى الجرح العطيب=ما كُل جُرعه ياوسيع العرف جُرعه شافيه!!

كبتن عتيبه

سلام ردّه من صحيب ٍ مايبور مع الصحيب=يوعد ويوفي فالوعد.. لجل الرجال الوافيه!!
سلطان ودّه بالعسل وألاّ يبا سمن وحليب=كل الثلاث..أن قالها الله..صحتين وعافيه!!

سلطان الجـذع

يامرحبا باللي يغيب وكل مايحضر يجيب = مثايلٍ ماهي مجرد وزن بيت وقافيه !!
نبا الوفا فالكيل والميزان والراي المصيب = ان كان تقدرها تراها يالثبيتي كافيه !!

كبتن عتيبه

الليله المرضان ياسلطان لازمه الطبيب=اللّي معه مشرط يطلّع كل علّه خافيه!!
أمّا حفرنا له قبر..وألاّ برَى الجرح العطيب=ما كُل جُرعه ياوسيع العرف جُرعه شافيه!!

والله ماندري لو ان الظن هالمره يصيب = لو المسافر ناوٍ المسرا بشمعه طافيه !!
وانته علاك من الوجوب وجوب فاليوم العصيب = وأقله أنك للرجال ترجع الاسلافيه !!

وين الشياخه ..عنك ..وأنته يوم حدّرت الشعيب=رأسك مصلّع ياولد مزحم..ورجلك حافيه!!
حنّا ليا نادى المنادي والله أنّا ما نغيب=وأنته ليا جاء فالعلوم علوم ما تنشافيه!!

مشيختي يوم الحريب يويق له سبر الحريب = واليوم ابا احيي ما مضى في حاضر الميقافيه !!
لا والله الا ضاع معروفي معك ضيعة ذهيب = الله يعوض اللي عيونك عن فعوله غافيه !!

ياسطورة الجذعان وجهك يمكن أنّه وجه ذيب=لكن قلبك مختلف..وأحترت فالأوصافيه!!
كم تحذف أطفال الحجاره من حجر في تل أبيب=وقبورهم تحت الحجر يسفي عليها السافيه!!

حنا الصعايب ننتظرها كنها ( جيّة حبيب ) = وانته هناك النوم في وسط العباه الدافيه !!
ان جات خير ولن سرت ماهي رجا والا نصيب = من ودنها باقين للمجد التليد احلافيه !!

أنته تغطرس والتغطرس مانفع قبلك كليب=ساعة رفع خشمه وقال: أنّي ما الدّ خلافيه!!
ياللّي تقول الشعر مع (ملفي ومع زيد وشبيب)=الله يرحم مطلق ابن حميد وصيافيه!!

اهم حاجة للنظر قاصر ولا الهقوة قريب = والعلم مع غيرك شهود العدل والانصافيه !!
انت تحسبها بعد مطلق عاقرٍ ماجت بصيب = ماتدري أن عيالها مثله جموعٍ لافيه !!