ياسلام وتحيه عد نو المخيله=ياهل المنتدي الي فيه شاعر وزاير
يامحمد تقدم والمسافه طويله=ثم هات العلوم الي تسر الضماير

مرحبا بالرفيق اللي علومه جزيله =عد مالاح برق وعد ماطار طاير !
ليلة ٍ جاتبك تسوى ثمانين ليله = والله انّا على الطيّب نسوق البشاير !

يالعتيبي نشوف الوقت جاء فيه ميله=والسبايب تراها جت من ام الكباير
المعاني بعيده والامانه ثقيله=كيف اعلمك وانته عارفن ويش صاير

المشاركة الأصلية كتبت بواسطة نايف بن ملحق الثعلي (المشاركة 975865) يالعتيبي نشوف الوقت جاء فيه ميله=والسبايب تراها جت من ام الكباير المعاني بعيده والامانه ثقيله=كيف اعلمك وانته عارفن ويش صاير

كان في يدك يارجال حيل ٍ وحيله =طيع رايي و عن درب العلا لاتخاير !
انت روقي وعاشق حاجة ٍ مستحيله = قبل تاصلّها لازم تذوق العزاير !!

المشاركة الأصلية كتبت بواسطة محمد بن رشيد (المشاركة 975900) الله الله انت روقي وعاشق حاجة ٍ مستحيله = قبل تاصلّها لازم تذوق العزاير !!

ودنا نبلغ المقصود بهون وسيله=من يغامر يحصل ربح ولا خساير
تدري اني شدادي فوق ظهر الاصيله=ماعليه لون الوقت بالحيل جاير

ودّنا ياطويل العمر نكسب جميله = فيك حسب العوايد كلها والسواير !!
قاضي المحكمه قدام لاتدعيله = هات لك شاهدين وقدّم اله النواير !!

انت شاعر قبيله معك شاعر قبيله=والليالي تدور ودم الاجواد فاير
جعل ماالله يبارك في الوجيه البخيله=والمعارك تري تحتاج نار وذخاير

كل رجال فالماقف يباين حصيله = وفالنهايه على الظالم تدور الدواير !
لو مشاعرك يانايف مشاعر نبيله = مير ترمي على نبّ الهدف ماتعاير !!

لن سكتنا فشيله ونهرجنا فشيله=والقضيه تري ماتنجبر بالجباير
ليت يقرب شرار الزند خشم الفتيله=غايتي يامحمد لوتشب السعاير

اثر دنيا الفناء ماعاد فيها عقيله=والقضيه تري ماتنجبر بالجباير
ليت يقرب شرار الزند خشم الفتيله=غايتي يامحمد لوتشب السعاير