اليله انا ودي اغني واكوسر باللحون = واحترت اجر اصوت بالمسحوب ولاّ اهيجنه
قالولي الشعار لادورت للجزله زبون = دور على الاصعر ترا فالوقت ماعنك وعنه

ان كنت شاعر تفتل وتنقض جويدات المنون=اوقف مواقيف الصمايل ثم كلامك برهنه
اخذ كلام اللي يعدون الصحيح ويصدقون=وانته عساك اللي يصيب الضنّ فيك ونضمنه

انا حمد الله مالحقني شك مع من يثبتون = والطيّب الي كان حان الجد بين معدنه
قانع بما عندي ولاكن البشر مايقنعون = يعجبهم الرجال كان السير جامل ودهنه

ياربعنا اللي فالمواقف تقربون وتبعدون=شاعركم نعرفه ونعرف كيف شعره ولحنه
خابرك قانع في حياتك بالنصيب ولا تهون=لكن صبرك لين حد السيف كفك يمكنه

يالي تحمّلت الامانه للأمانه لاتخون = ثم تصبح مع الميسره وتجنب اهل الميمنه
السيف في يمناي واشيل الرقاب من المتون = ياويل منهو ياولد ثعلي تمكنا منه

والله ماذمه ذيب لكن ذيب ماعنده سنون=مغير سنن في فمه يرقل على طول السنه
الليله انت اسير ضمن العالم المستيسرون=امنين لك سيف(ن)تهوش به وخصيمك تطعنه

اهم شي انه ماصعر خده لمنهو يكون = واليا تكلم ياولد ثعلي تخرس الالسنه
ماوالله ألومك تاتجحد سيف مشبعكم طعون = ماقد خبرت اهل الهزيمه بالهزايم معلنه

محمد

عبدالله الاصعر


صحت السنتكم على هالقاف

مبدعين

المشاركة الأصلية كتبت بواسطة مــــحــــمــــد (المشاركة 974959) صح لسانك يالاصعر شاعر وجزل وتشرفت باللعب معك والتعلم منك شكراً على اتاحة الفرصه لنا للأستفاده من شاعر بحجمك تقبل تحياتي