يامرحبا ترحيبة تبدي مثل مبدى النجوم=باصحابنا اللي عن فعايلها يكفي صيتها
الليل ياعلى العضياني نبي منك العلوم=ياشاعر الهيلا ترى الساعه هذا توقيتها

الله يبارك فالرفيق و فالشهاده و الختوم=ماني بنافيها و لا أوافق على تثبيتها
هذي علومي يالعضياني و ستر الله يدوم=الموهبه في بيتها و المعرفه في بيتها

الناس احد معطى واحد منهم يابن روق محروم=وانا معك في لازمك كم ديرةٍ عسيتها!!
والصيده اللي تعترض لي كل ليل وكل يوم=اقطع يميني كان بالسكين ماذكيتها..

المشاركة الأصلية كتبت بواسطة عبد العزيز العضيــاني (المشاركة 974192) محمد غازي,, صح بدنك وحياك الله,, ولاتروح بعيد ابيك؟؟

ديرة عتيبه خير من دار الشلاوى و البقوم=نشره عليك ان كان مرّه ثانيه خلّيتها !!!
بعض الدوا ما غير مرّه وحّده عند اللزوم=ياللي تبا نفسك تداويها و لا داويتها !!!

ديرة عتيبه ماتدالها الطيور اللي تحوم=مير انتبه لحدودك اللي ياعلى زليتها!!
حنا ترانا قسمنا معروف من خير القسوم=يوم انت جمعت العرب لكن ماسريتها

إفهم كلامي زين كان انّك تبا حظك يقوم=ولاّ علاك بشجرة الزيتون واشرب زيتها !!!!!
اللي يبا مكه وراه يروح مع درب الجموم ؟=وان قلت ليش ( يقول أنا بغيتها و أخطيتها )

تضحك على العالم تقول اصلي فروضي واصوم=واثرك بيوت الله سنينك كلها ماجيتها؟؟
ارتح وريحنا يابو فلاح لازلت مخدوم=الناس مايثر على احياها ياروووقي ميتها!!!