بعد ماكان نايف على نيّه صريحه=تلّكع لين حتى تعلم للكاعه
ياشين اللي لياطاح ماقشر من مطيحه=معاد يقوم حضه ولا يرفع ذراعه

ياعبدالله علومك تري ماهي صحيحه=ولاني مثل من يقسم اصفوف الجماعه
انا ماطحت وانا هجوسي مستريحه =لاكن انته ليا شفتني جاء فيك راعه

مدام الصدر مغشوش مابغى اسمع كحيحه=ابا اوديك وادخلك في قسم الاشاعه
علامك كل ماقلت واطلقت القريحه=تعذرب فالقمر لاجل مامعك استطاعه

عينت اصحابك الي ذبحتلهم ذبيحه=اثركم كلكم ماتحفظون الوداعه
ياعبدالله تريح وخذ مني نصيحه=تري خوه هل الغش مافيها شفاعه

لكن من الشبب تحرم الناس القبيحه=ياليت الله جابك مع اصحاب الشجاعه
تصد العين وتحوّل ارسال الشريحه=واباخذ علمك اللي ماهو حول الوقاعه..؟

تري المترديه ماتموج اعن النطيحه=تراكم مثل ماقيل ياقوم المجاعه
اناخابرك ترضع من اديوس المنيحه=ياكثر اخوانك الي معاك من الرضاعه

ماهم القافله من يكثر في نبيحه=تسير بدربها لو اله حس وصعاعه
قبيح الهرج والله ماحطه مع مليحه=ولا كن خلّك من الحويه للزراعه

ترانا يابن الاجواد مانبغي الفضيحه=والاصعر لازم اربط ذراعه في كراعه
يالاصعر خلك من الجموم اليا مسيحه=ولو مانته بتاجر ولا عند بضاعه

تراني دايم اعرف عدوي من نضيحه=عسى من بيني وبينه ادّوم القطاعه
انا امشي فالدّير وانت يانايف طريحه=ولي فالسوق سوق الغلا شريه وباعه