ولا ياللي تصب الكيف فالنجال بين القوم=لابن صلال عده والجلاوي(وسر ياساري)
يا ناصر لو فالماقف مع اصحابك قوي عزوم=يحدك عن مرادك ذيب عاوي(وسر ياساري)

ولاتنسى زبون الحرد راع المرهف الملحوم=نهارن ترتفع فيه العزاوي (واسر ياساري)
ليا قمنا يجينا الذيب ويعود لحم مفروم =هقاوينا ورى كل الهقاوي (واسر ياساري)

....


يا ناصر لو فالماقف مع اصحابك قوي عزوم
يحدك عن مرادك ذيب عاوي(وسر ياساري)



صح لسانك يالأصعر..





ليا قمنا يجينا الذيب ويعود لحـم مفـروم
هقاوينا ورى كل الهقاوي (واسر ياساري)




الله الله يا ناصر..

صح لسانك صح لسانك......

لك الله مانت ساري لين تونس رمحي المسموم=ولانت بوارد العد الرهاوي(وسر ياساري)
ذكاك اللي تحسبنّه مامثله يارطبون الروم=مايفتكك من الامر السماوي(وسر ياساري)

يالاصعر رمحك المسموم رده يم اخوك التوم=على شان التوافق والتساوي(واسر ياساري)
ما احسب انك غبي حتى لقيتك تحرث الملغوم=تقاوي بس مدري من تقاوي(واسر ياساري)

ترى ماهو موقع غير فيك ولاش حولك نوم=طعونه مايداويها المداوي(وسر ياساري)
تعرف ان الجدي ثابت مكانه مير فيه نجوم=ماجت في كتاب تاريخ الخلاوي(وسر ياساري)

معي بالعرف دكتوراه والا انته معك دبلوم=عسى يطعنك كور اسود ماياوي (واسر ياساري)
رحمك الله ياعودِ ربى قبله من ام الدوم=بعد موتتك يلو القوم لاوي(واسر ياساري)

حيالله جميع من شاركنا

والله يعطيكم العافيه جميعا

تحياتي وتقديري

معك لكن ماتنفعك لونك تطيح تقوم=مدام القلب ياناصر فراوي(وسر ياساري)
عيال العود شبو نار ابوهم مير صح النوم=ماهو بانتم ماتصلون الحراوي(وسر ياساري)

حقايق للعيون معينه والا الحلوم حلوم=تموت من المحبه يالهواوي(واسر ياساري)
عليكم ختمنا يبقى الى يوم البعث مختوم=نهارِ بعده الحزم متساوي(واسر ياساري)

ليا حققت حلمك والله انه مالحقك اللوم=تمنى ماتوصلك المناوي(واسر وياساري)
ترى يوم القيامه يعرف المعطى من المحروم=نهار تنشر فيه المطاوي(واسر ياساري)

ماجنب عن طريق الناس غير التايه المنجوم=علومك مارواها كل راوي(واسر ياساري)
ترى مابه ذرى وضلال تحت المنزل المهدوم=بعد يالدعوجي جبت الدعاوي(واسر ياساري)

ليا تاة وغدى والله ماصير بخوته ملزوم=في دربي ماقتديت بكل غاوي(واسر ياساري)
مدامنا بنينا البيت فوق العز يوم ودوم=تذرىّ في مذاريه الشواوي(ولسر ياساري)

وراك ليا برمنا لك ماتقدر تنقض الميروم=ياعبد الله عليك النجم هاوي(واسر ياساري)
ليا صرتوا شواوي مانبا الا واحدِ زيزوم=لاتفتي وانت تجهل فالفتاوي(واسر ياساري)

فتلناك ونقضناك او لكنك برطمك مشروم=كوينا لك ياناصر بالمكاوي(وسر ياساري)
ترانا دونكم ناقف ليا جى فالعلوم علوم=وانا عن عرفك ومثله غناوي(وسر ياساري)