يازياد لاتعيد غيبتك انتبه لاتعيد = اليافقدناك وين نحصّلك يازياد !!
انا لو انّي عذرتك ماعذرك القصيد = بغيت اسوّي نعي واعلن عشانك حداد !!

.

..

صح لسانك يالسعيدي

والشطر الاخير من البيت الاخير

الزموه على السعيدي ياشعار

ليتني شاعر كان ما افوته

خخخخخخخخخ

..

.

مرحبابك يابو عايش:)

ارسل عليّه رساله عاجله فالبريد = ويجيك مردودها وتشاهدون المراد
اليوم كلٍ معه بندق ويعرف يصيد = اللي برجله مشى واللي بظهر الجواد

ماكل من غاب يازياد الشطيطي فقيد = واللي تخلّا عن الوقفه يجيه انتقاد !!
خليتني مع عتيبه فالنهار الشديد = ارخيت بندقك يازياد وفهقت الزناد !!

الله الله

لو ماني بخابرك وقت المواقف سديد = ماغبت عنهم ولا ريّحت نبض الفواد
يامجاهد الحوثي يامّا فوز ولا شهيد = اكرب حزامك ولا غاشيك لوم وسواد

حنا نسد اللزوم وفعلنا مايبيد = اطرف موالي من الهذلان فعله سداد !!
عسى عتاب النشاما للنشاما يفيد = اكبر بشاره لياعاتبت غالي وفاد !!

الله الله

عز الله انك تزيد وبالوفا تستزيد = ياللي فطرت رمضان وصمتها في جماد
اليا بدت ثم عدت عدّ الشطيطي رصيد = يومٍ بعض الخلايق ماعلاه اعتماد

ياصبر ابوزيد مابين البقا والشديد = مدريبها من طناخة راس ولا عناد !!
اللي يجيب الغنايم بعد روّح بعيد = يعوضنا في غيابه بالعلوم الجداد !!

والنار حيّه خذينا اللي نباه ونريد = ولا عاد لي شف فيها بعد راحت رماد
اكبر غنيمه لقاك اليوم ياليل عيد = ياساعة الخير يانسناس حلو البراد

صح اللسانك يابو عايش

وتشرفنا يالغالي

فواز - زياد


صحت السنتكم كلام